ەلوردادا بەردىبەك سوقپاقباەۆتىڭ پوۆەسى بويىنشا تۇسىرىلگەن رەجيسسەر ابدوللا قارساقباەۆتىڭ "مەنىڭ اتىم — قوجا" فيلمىندەگى قوجاعا ەسكەرتكىش قويىلدى، دەپ حابارلايدى "ادىرنا" ۇلتتىق پورتالى "24.kz"-كە سىلتەمە جاساپ.
بۇل فيلم وسىدان 60 جىلداي ۋاقىت بۇرىن ەكرانعا جول تارتقان. ءفيلمنىڭ باس كەيىپكەرى قوجانىڭ تاس ءمۇسىنى ەلورداداعى "جەتىسۋ" ساياباعىنا ورناتىلدى. قولادان قۇيىپ، گرانيتپەن قاپتاعان جاڭا ءمۇسىندى قوجانىڭ ءرولىن سومداعان اكتەر نۇرلان سەگىزباەۆتىڭ ءوزى دە كوردى.
– بۇل ءاربىر جاس قازاقستاندىققا ارنالعان مادەني دۇنيە. ەسكەرتكىش ورناتىلعانىنا وتە قۋانىشتىمىن. بالالار قوجانىڭ جاقسى تۇستارىن بويىنا سىڭىرەدى دەپ ۇمىتتەنەمىن، — دەدى قر ەڭبەك سىڭىرگەن قايراتكەرى نۇرلان سەگىزباەۆ.
"ادىرنا" ۇلتتىق پورتالى
