بۇگىن - بالالار جازۋشىسى بەردىبەك سوقپاقباەۆتىڭ تۋعان كۇنى. قازاق ادەبيەتىنە وزگەشە ورنەك سىيلاعان جازۋشىنىڭ تۋعانىنا بيىل 99 جىل، دەپ حابارلايدى "ادىرنا" ءتىلشىسى.
جازۋشى ادەبيەت الەمىندە ءوزىنىڭ سوقپاق جولىندا قارا ءسوز دە، ولەڭ دە جازعان. جازۋشىنىڭ شوقتىعى بيىك، بارشا وقىرمانعا تانىس شىعارمالارى - "مەنىڭ اتىم قوجا", "بالالىق شاققا ساياحات", "ولگەندەر قايتىپ كەلمەيدى".
ينستيتۋتتا ءبىلىم العان بەردىبەك سوقپاقباەۆ شاكىرت تاربيەلەۋگە دەن قويعان. ەڭبەك جولىن ءوزىنىڭ تۋعان ولكەسى نارىنقولدا باستاپ، بىرنەشە جىل اۋىل مەكتەبىندە ۇستازدىق ەتتى.
قازىر مەكتەپ وقۋلىقتارىندا كەزدەسەتىن بىرنەشە ولەڭ مەن اڭگىمەنىڭ اۆتورى - بەردىبەك سوقپاقباەۆ.
جازۋشى تالايدىڭ سۇيىكتى فيلمىنە اينالعان، قازاق كينو ونەرىنىڭ التىن قورىنا ەنگەن "مەنىڭ اتىم قوجانىڭ" ستسەناريىن جازدى.
1963 جىلى ەكرانعا شىققان بۇل تۋىندى قازاق كينو ونەرىنىڭ قاسيەتتى بويتۇمارى سانالدى. 1967 جىلى بالالار مەن جاسوسپىرىمدەرگە ارنالعان فيلمدەردىڭ كانن قالاسىندا وتكەن حالىقارالىق فەستيۆالىندە "مەنىڭ اتىم قوجا" ءفيلمى جۇلدەگە يە بولعان.
ال "مەنىڭ اتىم قوجا" پوۆەسى كىتاپ تۇرىندە باسىلىپ، وقىرمانعا جول تارتقان. تۋىندىنىڭ جارىق كورگەنىنە 66 جىلدان اسسا دا، ءوز وقىرمانىن ءالى جالىقتىرعان جوق.
