Búgin - balalar jazýshysy Berdibek Soqpaqbaevtyń týǵan kúni. Qazaq ádebıetine ózgeshe órnek syılaǵan jazýshynyń týǵanyna bıyl 99 jyl, dep habarlaıdy "Adyrna" tilshisi.
Jazýshy ádebıet áleminde óziniń soqpaq jolynda qara sóz de, óleń de jazǵan. Jazýshynyń shoqtyǵy bıik, barsha oqyrmanǵa tanys shyǵarmalary - "Meniń atym Qoja", "Balalyq shaqqa saıahat", "Ólgender qaıtyp kelmeıdi".
Instıtýtta bilim alǵan Berdibek Soqpaqbaev shákirt tárbıeleýge den qoıǵan. Eńbek jolyn óziniń týǵan ólkesi Narynqolda bastap, birneshe jyl aýyl mektebinde ustazdyq etti.
Qazir mektep oqýlyqtarynda kezdesetin birneshe óleń men áńgimeniń avtory - Berdibek Soqpaqbaev.
Jazýshy talaıdyń súıikti fılmine aınalǵan, qazaq kıno óneriniń altyn qoryna engen "Meniń atym Qojanyń" senarııin jazdy.
1963 jyly ekranǵa shyqqan bul týyndy qazaq kıno óneriniń qasıetti boıtumary sanaldy. 1967 jyly balalar men jasóspirimderge arnalǵan fılmderdiń Kann qalasynda ótken halyqaralyq festıvalinde "Meniń atym Qoja" fılmi júldege ıe bolǵan.
Al "Meniń atym Qoja" povesi kitap túrinde basylyp, oqyrmanǵa jol tartqan. Týyndynyń jaryq kórgenine 66 jyldan assa da, óz oqyrmanyn áli jalyqtyrǵan joq.
