الماتىدا «قازىرگى زامانعى قازاق رومانى» ادەبي جوباسىنىڭ جەڭىمپازدارىن ماراپاتتاۋ ءراسىمى ءوتتى، دەپ حابارلايدى "ادىرنا" ۇلتتىق پورتالى.
جوبا زاماناۋي قازاق پروزاسىن دامىتۋعا جانە جاڭا اۆتورلاردى قولداۋعا باعىتتالعان. ينيتسياتيۆا ERG ديرەكتورلار كەڭەسىنىڭ توراعاسى شۋحرات يبراگيموۆتىڭ قولداۋىمەن جۇزەگە اسىرىلدى.
ۇيىمداستىرۋشىلاردىڭ مالىمەتىنشە، بايقاۋعا 3000-نان استام ءوتىنىم تۇسكەن. ىرىكتەۋ ناتيجەسىندە فينالعا 8 اۆتور شىقتى. ولاردىڭ جەتەۋى 3 ميلليون تەڭگە كولەمىندە قالاماقى الىپ، شىعارمالارى 1000 دانا تيراجبەن جارىق كوردى. ءىس-شارا بارىسىندا اتالعان كىتاپتاردىڭ تۇساۋكەسەرى ءوتتى.
فيناليستەر قاتارىندا دۋمان رامازان («سىناق»), قۋانىش جيەنباي («ارالقۇمداعى اقىرعى ايالداما»), نۇرجان قۋانتايۇلى («وپاسىز ويىن»), اسقار التاي («كاسكاد»), مۇرات الماسبەك («ەكى جاعالاۋ»), قۋات بوراش («تاۋبە»), ايىم اقىلتاي («قارىز») بار.
بايقاۋدىڭ باس جۇلدەسىن جۇسىپبەك قورعاسبەك «كەلندەگى كوكجال» رومانى ءۇشىن جەڭىپ الدى. وعان 15 ميلليون تەڭگە كولەمىندە سىياقى تابىستالدى.
ۇيىمداستىرۋشىلاردىڭ ايتۋىنشا، جەڭىمپاز شىعارما جەلىسى بويىنشا كوركەم فيلم ءتۇسىرىلىپ، ۇلكەن ەكرانعا شىعارىلادى.
