ماڭعىستاۋ وبلىسى بەينەۋ اۋىلىنداعى شەكارا زاستاۆاسىنداعى اسكەري قىزمەتكەر ءوز-وزىنە قول جۇمساعان، دەپ حابارلايدى «ادىرنا» ۇلتتىق پورتالى.
بۇل تۋرالى t.me/orda_kz تەلەگرامم كانالى جازدى.
اسكەري قىزمەتكەر ەدىل تەشەباەۆتىڭ تۋىستارىنىڭ ايتۋىنشا، ولار بۇل جايسىز حاباردى بۇگىن تاڭعى ساعات بەستەر شاماسىندا بىلگەن.
«ول تەلەفون سوعىپ، 5 000 تەڭگە جىبەرۋدى سۇرادى. مەندە 500 تەڭگە بولدى، سونى جىبەردىم. سوسىن اسكەريلەر بۇگىن تاڭعى 5 شاماسىندا اجەتحانادا اسىلىپ ولگەنىن ايتتى. ءبىرى باۋمەن دەسە، ءبىرى بەلدىكپەن دەپ ايتتى. ءوزىن-ءوزى ءولتىرۋ تۋرالى حاتتى ءوزى جازعان دەسەدى، قولجازباسى ونىكى ەمەس. ونى ادەيى ءولتىردى، ۇرىپ-سوعىپ ءولتىردى دەپ ويلايمىن. تۇندە حابارلاسقاندا شوشىنىپ وتىرعان»، – دەيدى نۇرجاۋسىن تەشەباي.
مارقۇم جىگىت 20 ناۋرىزدا 19 جاسقا تولعان. جەلىدە ساربازدىڭ ءوز-وزىنە قول جۇمساۋ تۋرالى حاتى تاراپ جاتىر، ول حاتىندا بارلىق تۋىستارىنا جۇگىنەدى. بىراق تۋىستارى حاتتى ەدىلدىڭ جازباعانىنا سەنىمدى.
ازىرگە قر ۇقك شەكارا قىزمەتى ەشقانداي اقپارات تاراتپادى.
«ادىرنا» ۇلتتىق پورتالى.
