Maŋǧystau oblysy Beineu auylyndaǧy şekara zastavasyndaǧy äskeri qyzmetker öz-özıne qol jūmsaǧan, dep habarlaidy «Adyrna» ūlttyq portaly.
Būl turaly t.me/orda_kz telegramm kanaly jazdy.
Äskeri qyzmetker Edıl Teşebaevtyŋ tuystarynyŋ aituynşa, olar būl jaisyz habardy bügın taŋǧy saǧat bester şamasynda bılgen.
«Ol telefon soǧyp, 5 000 teŋge jıberudı sūrady. Mende 500 teŋge boldy, sony jıberdım. Sosyn äskeriler bügın taŋǧy 5 şamasynda äjethanada asylyp ölgenın aitty. Bırı baumen dese, bırı beldıkpen dep aitty. Özın-özı öltıru turaly hatty özı jazǧan desedı, qoljazbasy onykı emes. Ony ädeiı öltırdı, ūryp-soǧyp öltırdı dep oilaimyn. Tünde habarlasqanda şoşynyp otyrǧan», – deidı Nūrjausyn Teşebai.Marqūm jıgıt 20 nauryzda 19 jasqa tolǧan. Jelıde sarbazdyŋ öz-özıne qol jūmsau turaly haty tarap jatyr, ol hatynda barlyq tuystaryna jügınedı. Bıraq tuystary hatty Edıldıŋ jazbaǧanyna senımdı. Äzırge QR ŪQK şekara qyzmetı eşqandai aqparat taratpady.
«Adyrna» ūlttyq portaly.
