Mańǵystaý oblysy Beıneý aýylyndaǵy shekara zastavasyndaǵy áskerı qyzmetker óz-ózine qol jumsaǵan, dep habarlaıdy «Adyrna» ulttyq portaly.
Bul týraly t.me/orda_kz telegramm kanaly jazdy.
Áskerı qyzmetker Edil Teshebaevtyń týystarynyń aıtýynsha, olar bul jaısyz habardy búgin tańǵy saǵat bester shamasynda bilgen.
«Ol telefon soǵyp, 5 000 teńge jiberýdi surady. Mende 500 teńge boldy, sony jiberdim. Sosyn áskerıler búgin tańǵy 5 shamasynda ájethanada asylyp ólgenin aıtty. Biri baýmen dese, biri beldikpen dep aıtty. Ózin-ózi óltirý týraly hatty ózi jazǵan desedi, qoljazbasy onyki emes. Ony ádeıi óltirdi, uryp-soǵyp óltirdi dep oılaımyn. Túnde habarlasqanda shoshynyp otyrǵan», – deıdi Nurjaýsyn Teshebaı.
Marqum jigit 20 naýryzda 19 jasqa tolǵan. Jelide sarbazdyń óz-ózine qol jumsaý týraly haty tarap jatyr, ol hatynda barlyq týystaryna júginedi. Biraq týystary hatty Edildiń jazbaǵanyna senimdi.
Ázirge QR UQK shekara qyzmeti eshqandaı aqparat taratpady.
«Adyrna» ulttyq portaly.
