«پروگرەسس» سامارا زىمىران-عارىش ورتالىعى ۇشىرىلىمداردىڭ بولماۋىنا بايلانىستى بايقوڭىرداعى فيليالىنىڭ قىزمەتكەرلەرى ءۇشىن ءبىر اي بويى جۇمىس ىستەمەۋ رەجيمىن ەنگىزدى. بۇل تۋرالى رسك ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«پروگرەسس» وۇك» اق-نىڭ بۇيرىعىمەن كاسىپورىننىڭ بايقوڭىر قالاسىنداعى فيليالىنىڭ قىزمەتكەرلەرى ءۇشىن 2022 جىلدىڭ 14 ماۋسىمى مەن 17 شىلدەسى ارالىعىندا بوس ۋاقىت كەزەڭى ەنگىزىلدى»، - دەلىنگەن حابارلامادا.
ورتالىقتىڭ مالىمەتىنشە، توقتاپ تۇرۋدى ەنگىزۋ تۋرالى شەشىم «2022 جىلدىڭ ماۋسىم-شىلدە ايلارىندا «بايقوڭىر» عارىش ايلاعىندا ۇشىرۋ جۇمىستارىنىڭ بولماۋىنا بايلانىستى» قابىلدانعان.
ءباسپاسوز قىزمەتى دەمالىس ارالىعىندا قىزمەتكەرلەرگە ورتاشا جالاقىنىڭ ۇشتەن ەكىسى تولەنەتىنىن اتاپ ءوتتى.
«بايقوڭىر» عارىش ايلاعىنان «سويۋز» زىمىران تاسىعىشىنىڭ كەلەسى ۇشىرىلىمدارى 2022 جىلدىڭ تامىز-قىركۇيەك ايلارىنا جوسپارلانعان.
2021 جىلدىڭ ساۋىرىندە روسكوسموس باس ديرەكتورىنىڭ ەكونوميكا جانە قارجى جونىندەگى ءبىرىنشى ورىنباسارى ماكسيم وۆچيننيكوۆ ينتەرفاكسقا «پروگرەسس» ءۇش جىل ىشىندە قىزمەتكەرلەرىنىڭ 20%-ىن قىسقارتقانىن ايتتى.
2018 جىلى كاسىپورىندا 2 مىڭنان استام قىزمەتكەر قىسقارتىلعانى حابارلانعان بولاتىن.
بۇدان بۇرىن حابارلانعانداي، اۆتوۆاز 6-10 ماۋسىمدا جالاقىنىڭ ۇشتەن ەكى بولىگىن وتەيتىن بوس جۇمىس رەجيمىن ەنگىزەدى. ۆنۋكوۆو جانە شەرەمەتەۆو اۋەجايلارى مەن باسقا دا بىرقاتار كاسىپورىندار دا ءتارتىپتىڭ ەنگىزىلگەنى تۋرالى حابارلادى.
“ادىرنا” ۇلتتىق پورتالى
