شىمكەنتتە بيۋدجەت قاراجاتىن جىمقىردى دەگەن كۇدىكپەن بالاباقشا مەڭگەرۋشىلەرىنە قاتىستى سوتقا دەيىنگى تەرگەۋ امالدارى باستالدى. بۇل تۋرالى قارجى مونيتورينگى اگەنتتىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«بالاباقشا باسشىلارى 2019-2021 جىلدار ارالىعىندا بالالاردىڭ قاتىسۋ ەسەبىنە جالعان مالىمەتتەر ەنگىزگەن. ولار مەكتەپكە دەيىنگى ءبىلىم بەرۋدى جان باسىنا شاققانداعى قارجىلاندىرۋدىڭ «بالاپان» باعدارلاماسى بويىنشا قاراستىرىلعان جالپى سوماسى 45,7 ملن تەڭگە بيۋدجەت قاراجاتىن زاڭسىز جىمقىرعان دەگەن كۇدىككە ءىلىندى»، دەلىنگەن حابارلامادا.
قازىر بۇل ءىس بويىنشا تەرگەۋ ءجۇرىپ جاتىر.
”ادىرنا” ۇلتتىق پورتالى
