10 ماۋسىمدا الماتىنىڭ مامانداندىرىلعان اۋدانارالىق سوتى تىركەلمەگەن "دەموكراتيالىق پارتيانىڭ" جەتەكشىسى جانبولات مامايدىڭ قاماۋ مەرزىمىن ءتورت ايعا ۇزارتتى. ەندى ول 9 شىلدەگە دەيىن كۇدىكتى رەتىندە قاماۋدا بولادى، دەپ حابارلايدى "ادىرنا" ۇلتتىق پورتالى "azattyq.org"-كە سىلتەمە جاساپ.
قاماۋ مەرزىمىن ۇزارتۋعا تەرگەۋشى ءوتىنىش بەرگەن. جەلىدە ونلاين سوت وتىرىسىنىڭ ۆيدەوجازباسى جاريالاندى.
"تەرگەۋ توبىنىڭ جەتەكشىسى ليتۆينەنكونىڭ كۇدىكتى ماماي جانبولات مامايۇلىن قاماۋ مەرزىمىن ءتورت ايعا، ياعني 9 شىلدەگە دەيىن ۇزارتۋ تۋرالى ءوتىنىشى قاناعاتتاندىرىلسىن" دەدى ۇكىمدى وقىعان سۋديا.
مامايدىڭ ايەلى، بەلسەندى ينگا يمانبايدىڭ ايتۋىنشا، جانبولات مامايدىڭ قاماۋ مەرزىمىن ۇزارتۋ ءۇشىن تەرگەۋ ورگاندارى قاماۋ مەرزىمى بىتەتىن كۇننەن كەم دەگەندە 15 كۇن بۇرىن سوتقا ارىز جازۋى كەرەك بولعان، ال ارىز 31 مامىر كۇنى جازىلعان. ياعني ءتيىستى مەرزىم ساقتالماعان.
"جانبولات زاڭسىز ساياسي سەبەپتەرمەن تۇرمەدە وتىرعانى ازداي، تەرگەۋ ورگاندارى جىبەرگەن قاتەلىكتى تۋرا كورسەتكەن ادۆوكاتتىڭ ءسوزىن جوققا شىعارىپ، ەش تۇسىندىرمەستەن، تەرگەۋ ورگاندارىنىڭ قاتەلىگىنە ەش باعا بەرمەستەن، سۋديا جانبولاتتى تاعى ءبىر ايعا قاماپ تاستادى" -دەدى ينگا يمانباي.
تىركەلمەگەن "دەموكراتيالىق پارتيا" جەتەكشىسى، 34 جاستاعى جانبولات ماماي بيىلعى 26 اقپاننان بەرى قاماۋدا جاتىر. 6 مامىردا سوت ونىڭ قاماۋ مەرزىمىن 12 ماۋسىمعا دەيىن ۇزارتقان. بەلسەندىنىڭ جاقتاستارى بۇل ىستەردىڭ ساياسي استارى بار دەپ سانايدى.
"ادىرنا" ۇلتتىق پورتالى
