10 maýsymda Almatynyń mamandandyrylǵan aýdanaralyq soty tirkelmegen "Demokratııalyq partııanyń" jetekshisi Janbolat Mamaıdyń qamaý merzimin tórt aıǵa uzartty. Endi ol 9 shildege deıin kúdikti retinde qamaýda bolady, dep habarlaıdy "Adyrna" ulttyq portaly "azattyq.org"-ke silteme jasap.
Qamaý merzimin uzartýǵa tergeýshi ótinish bergen. Jelide onlaın sot otyrysynyń vıdeojazbasy jarııalandy.
"Tergeý tobynyń jetekshisi Lıtvınenkonyń kúdikti Mamaı Janbolat Mamaıulyn qamaý merzimin tórt aıǵa, ıaǵnı 9 shildege deıin uzartý týraly ótinishi qanaǵattandyrylsyn" dedi úkimdi oqyǵan sýdıa.
Mamaıdyń áıeli, belsendi Inga Imanbaıdyń aıtýynsha, Janbolat Mamaıdyń qamaý merzimin uzartý úshin tergeý organdary qamaý merzimi bitetin kúnnen kem degende 15 kún buryn sotqa aryz jazýy kerek bolǵan, al aryz 31 mamyr kúni jazylǵan. Iaǵnı tıisti merzim saqtalmaǵan.
"Janbolat zańsyz saıası sebeptermen túrmede otyrǵany azdaı, tergeý organdary jibergen qatelikti týra kórsetken advokattyń sózin joqqa shyǵaryp, esh túsindirmesten, tergeý organdarynyń qateligine esh baǵa bermesten, sýdıa Janbolatty taǵy bir aıǵa qamap tastady" -dedi Inga Imanbaı.
Tirkelmegen "Demokratııalyq partııa" jetekshisi, 34 jastaǵy Janbolat Mamaı bıylǵy 26 aqpannan beri qamaýda jatyr. 6 mamyrda sot onyń qamaý merzimin 12 maýsymǵa deıin uzartqan. Belsendiniń jaqtastary bul isterdiń saıası astary bar dep sanaıdy.
"Adyrna" ulttyq portaly
