"نەمولچي" قورىنىڭ باسشىسى دينا سمايلوۆا قىلمىستىق كودەكستىڭ 147 (جەكە ومiرگە قولسۇعىلماۋشىلىقتى جانە قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىن بۇزۋ) جانە 274-بابتارى (جالعان اقپارات تاراتۋ) بويىنشا كۇدىكتى دەپ تانىلدى. بۇل تۋرالى ول ءوز فەيسبۋك پاراقشاسىندا مالىمدەدى، دەپ حابارلايدى "ادىرنا" ۇلتتىق پورتالى "Vlast.kz"-كە سىلتەمە جاساپ.
قۇقىق قورعاۋشى قىلمىستىق ىستەر پوليتسيا جۇمىسىن سىنعا العانى ءۇشىن قوزعالدى دەپ سانايدى.
"2022 جىلدىڭ 27 مامىرىندا باعان قىلمىستىق كودەكستىڭ 147-بابى، 5-بولىگى جانە 274-بابى، 2-بولىگى بويىنشا "كۇدىكتى" دەگەن مارتەبە بەرىلدى. بارلىق ءىستى قىزىلوردا ەمەس، الماتى وبلىسىنىڭ پوليتسيا دەپارتامەنتى قوزعاعان. سەبەبى مەن الماتى پوليتسيا دەپارتامەنتىنىڭ جۇمىسىن سىنايمىن، سەبەبى باسشىلىقتىڭ وتساۆكاعا كەتۋىن تالاپ ەتەمىن، سەبەبى مەن ءوز عيماراتتارىندا حالىقتى ازاپتايتىن پوليتسيانى مويىندامايمىن", – دەپ جازدى ساميلوۆا.
24 مامىردا دينا سمايلوۆا قوردىڭ سەنىم تەلەفونىنىڭ ۋاقىتشا جۇمىس ىستەمەيتىنىن، بۇعان "قازاقستان قۇقىق قورعاۋ ورگاندارىنىڭ قۋدالاۋى" سەبەپ بولعانىن مالىمدەگەن.
17 مامىردا #نەمولچيKZ قورىنىڭ باسشىسى "مەديازونا" باسىلىمىنا قىزىلوردادا زورلانعان ەكىنشى سىنىپ وقۋشىسى تۋرالى جازباسىنان كەيىن قىلمىستىق ىستە قورعاۋعا قۇقىعى بار كۋاگەر مارتەبەسىن بەرگەنىن ايتقان.
"مەنىڭشە، بۇل قورقىتۋ ءۇشىن جاسالعان. قۇقىق قورعاۋشىلار ءىس قوزعالعانى تۋرالى ەشقانداي قاعاز كورسەتكەن جوق. بىراق مەن كۇيگەلەكتەنىپ، ءۇنسىز قالۋىم ءۇشىن تەرگەۋ شاقىرىپ جاتىر", – دەگەن ەدى ول.
"ادىرنا" ۇلتتىق پورتالى
