ەلىمىزدە سۇيىتىلعان گاز، ەلەكتر قۋاتى مەن كومىردىڭ باعاسى وسەدى. ەنەرگەتيكا مينيسترلىگى جارىق پەن وتىننىڭ جاڭا باعاسىن ۇسىنىپ وتىر. بۇل قۇجات 24 ماۋسىمعا دەيىن اشىق تالقىلانادى، دەپ حابارلايدى "ادىرنا" ۇلتتىق پورتالى "Aibat" جاڭالىقتار قىزمەتىنە سىلتەمە جاساپ.
ىشكى نارىقتاعى سۇيىتىلعان گازدىڭ شيكى باعاسى 2022 جىلعى 1 شىلدەسىنەن 2023 جىلدىڭ 30 ماۋسىمىن قوسا العانداعى كەزەڭدە 1 تونناسى ءۇشىن 33 600 تەڭگە مولشەرىندە بەكىتىلمەك. قازىر سۇيىتىلعان گاز باعاسىنىڭ شەكتى مولشەرى 28 000 تەڭگەنى قۇرايدى.
ەلەكتر ەنەرگياسىن ءوندىرۋشى 26 ۇيىم شەكتى ءتاريفتى وزگەرتۋ بويىنشا ءوتىنىم جاساعان. وسىعان بايلانىستى 2022 جىلدىڭ 1 شىلدەسىنەن باستاپ باعانىڭ ءوسۋى بولجانىپ وتىر. بىراق ناقتى سوماسى ايتىلمادى.
سونداي-اق جىل سوڭىنا دەيىن “بوگاتىر كومىر” جشس-دا كومىر باعاسى 30 پايىزعا ءوسۋى مۇمكىن.
ەسكە سالا كەتەيىك، 6 قاڭتاردا ۇكىمەت گازدىڭ شەكتى باعاسىنا قاتىستى 180 كۇندىك موراتوري جاريالاعان بولاتىن. بۇل شەكتەۋ كەلەسى ايدا بىتەدى.
"ادىرنا" ۇلتتىق پورتالى
