Elimizde suıytylǵan gaz, elektr qýaty men kómirdiń baǵasy ósedi. Energetıka mınıstrligi jaryq pen otynnyń jańa baǵasyn usynyp otyr. Bul qujat 24 maýsymǵa deıin ashyq talqylanady, dep habarlaıdy "Adyrna" ulttyq portaly "Aibat" jańalyqtar qyzmetine silteme jasap.
Ishki naryqtaǵy suıytylǵan gazdyń shıki baǵasy 2022 jylǵy 1 shildesinen 2023 jyldyń 30 maýsymyn qosa alǵandaǵy kezeńde 1 tonnasy úshin 33 600 teńge mólsherinde bekitilmek. Qazir suıytylǵan gaz baǵasynyń shekti mólsheri 28 000 teńgeni quraıdy.
Elektr energııasyn óndirýshi 26 uıym shekti tarıfti ózgertý boıynsha ótinim jasaǵan. Osyǵan baılanysty 2022 jyldyń 1 shildesinen bastap baǵanyń ósýi boljanyp otyr. Biraq naqty somasy aıtylmady.
Sondaı-aq jyl sońyna deıin “Bogatyr Kómir” JShS-da kómir baǵasy 30 paıyzǵa ósýi múmkin.
Eske sala keteıik, 6 qańtarda úkimet gazdyń shekti baǵasyna qatysty 180 kúndik moratorıı jarııalaǵan bolatyn. Bul shekteý kelesi aıda bitedi.
"Adyrna" ulttyq portaly
