شىمكەنتتە جەدەل جاردەم بريگادالارى اراسىندا جارىس ءوتتى

1571
Adyrna.kz Telegram

جەدەل جاردەم قىزمەتكەرىنە قاشان دا تالاپ كۇشتى. جەدەلجاردەمشى كۇندە نەبىر جاعدايعا تاپ بولادى. بىردە ەس-ءتۇسسىز تالىپ جاتقان ادامنىڭ ۇستىنەن تۇسەدى، بىردە جول اپاتىنا تاپ بولىپ ەسەڭگىرەپ جاتقان جاندارعا جاردەم ەتەدى. ادامدى اجالدان اراشالاپ الۋ ءۇشىن جىلدامدىق، تاپقىرلىق، تاباندىلىق، سالقىنقاندىلىق سياقتى قاسيەتتەر كەرەك.

جىل باسىنان قالامىزدا 1112 جول اپاتى تىركەلىپ، 1401 ادام زارداپ شەككەن. 1124 ادام اۋرۋحاناعا تاسىمالدانعان، وكىنىشكە وراي 11 ادام قايتىس بولعان. مىنە، وسىلاردىڭ ارقايسىسىنىڭ باسىندا جەدەل جاردەم اجالمەن ارپالىسىپ جۇرەدى.

ودان بولەك، ءبىزدىڭ جەدەل جاردەم كۇنىنە ەكى مىڭعى جۋىق شاقىرتۋعا بارادى. وتكەن ءبىر جىلدا 545 676 شاقىرتۋعا بارىپ كومەك ەتكەن. جەدەل جاردەمدى شاقىرتىپ كوردىڭىز بە؟ اسىعا كۇتەسىز. ءار مينۋت ءبىر ساعاتتاي كورىنەدى. ال اشەيىندە قالا كوشەلەرىندە اسىعىپ بارا جاتقان جەدەل جاردەم كولىگىنە ەكىنىڭ ءبىرى جول بەرە بەرمەيدى. وعان قاراماي، شىمكەنت قالاسىنىڭ جەدەل جاردەمى كەلۋ ۋاقىتى بويىنشا قازاقستاندا العاشقى ۇشتىككە كىرەدى.

شىمكەنت قالاسىنىڭ جەدەل جاردەمىندە جۇمىس ىستەيتىن 1800 ادامدىق ۇجىم كەز كەلگەن ۋاقىتتا قالا تۇرعىندارىنا كومەككە كەلۋگە دايىن. تەك قانا تەز جەتۋگە جول اشىڭىز.

شىڭعىس مۇقان Facebook پاراقشاسىنان

پىكىرلەر