قازاقستاندىق قىز دۋبايدا جۇمادان سەنبىگە قاراعان ءتۇنى جول اپاتىنان مەرت بولدى
استانا، 26 ماۋسىم دۋبايدا قازاقستاندىق قىز جول اپاتىنان قازا تاپتى، دەپ حابارلايدى Sputnik قازاقستان عا سىلتەمە جاساي وتىرىپ.
"يا، ول شىن مانىندە قازاقستاننىڭ ازاماتى. ءبىزدىڭ كونسۋلدىقتىڭ قىزمەتكەرلەرى ونىڭ تاشكەنتتە تۇراتىن تۋعاندارىن تاۋىپ الدى. ولار ونىڭ دەنەسىن جونەلتۋ سۇراقتارىمەن اينالىسىپ جاتىر. قاي جاققا جىبەرىلەتىنىن تۋىستارى شەشەدى. تاشكەنتكە جەتكىزىلەتىن شىعار" — دەدى قر سىرتقى ىستەر مينيسترلىگىنىڭ ءباسپاسوز حاتشىسى ايبەك سمادياروۆ باق بەرگەن اقپاراتىندا.
ونىڭ ايتۋىنشا، جول اپاتى دۋبايدا جۇمادان سەنبىگە قاراعان ءتۇنى بولعان، قازاقستاندىق قىزدى كولىك سوعىپ كەتكەن.
1983 جىلى تۋعان قىزدىڭ دۋبايدا شاشتاراز بولىپ جۇمىس ىستەگەنى بەلگىلى بولدى.
ايدا قوجمامبەت