قازاقستاندا 2022 جىلدىڭ 30 قىركۇيەگىنە دەيىن بيداي مەن مەسليندى، بيداي مەن قارا بيداي ۇنىن شىعارۋعا كۆوتالار ەنگىزىلەدى. بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتىندە ايتتى، دەپ حابارلايدى “ادىرنا” ۇلتتىق پورتالى.
اۋىل شارۋاشىلىعى ءمينيسترىنىڭ مالىمەتىنشە، 2022 جىلعى 5 شىلدەدەگى بۇيرىعىمەن قازاقستان اۋماعىنان ءۇشىنشى ەلدەرگە جانە ەاەو ەلدەرىنە بيداي مەن مەسليندى اكەتۋگە ساندىق شەكتەۋلەر 550 000 توننا مولشەرىندە، بيداي جانە قارا بيداي ۇنى-370 000 توننا مولشەرىندە بەلگىلەندى.
شەكتەۋلەر 2022 جىلعى 8 شىلدەدەن باستاپ 30 قىركۇيەككە دەيىن جۇرگىزىلەدى.
بۇل تاۋارلاردى اكەتۋگە ساندىق شەكتەۋلەر ەلدىڭ ازىق-تۇلىك قاۋىپسىزدىگىن قامتاماسىز ەتۋ ماقساتىندا ەنگىزىلەدى.
"بۇل رەتتە، بۇيرىق قولدانىسقا ەنگىزىلگەن كۇنگە دەيىن قازاقستان مەن ەاەو كەدەن زاڭناماسىنا سايكەس ەكسپورتتىڭ كەدەندىك ءراسىمى بويىنشا ورنالاستىرىلعان جانە شىعارىلعان تاۋارلار قازاقستان رەسپۋبليكاسىنىڭ اۋماعىنان كەدەرگىسىز اكەتىلۋگە جاتادى", - دەپ حابارلادى كوميتەتتەگىلەر.
”ادىرنا” ۇلتتىق پورتالى
