Qazaqstanda 2022 jyldyń 30 qyrkúıegine deıin bıdaı men meslındi, bıdaı men qara bıdaı unyn shyǵarýǵa kvotalar engiziledi. Bul týraly Qarjy mınıstrliginiń Memlekettik kirister komıtetinde aıtty, dep habarlaıdy “Adyrna” ulttyq portaly.
Aýyl sharýashylyǵy mınıstriniń málimetinshe, 2022 jylǵy 5 shildedegi buıryǵymen Qazaqstan aýmaǵynan úshinshi elderge jáne EAEO elderine bıdaı men meslındi áketýge sandyq shekteýler 550 000 tonna mólsherinde, bıdaı jáne qara bıdaı uny-370 000 tonna mólsherinde belgilendi.
Shekteýler 2022 jylǵy 8 shildeden bastap 30 qyrkúıekke deıin júrgiziledi.
Bul taýarlardy áketýge sandyq shekteýler eldiń azyq-túlik qaýipsizdigin qamtamasyz etý maqsatynda engiziledi.
"Bul rette, buıryq qoldanysqa engizilgen kúnge deıin Qazaqstan men EAEO keden zańnamasyna sáıkes eksporttyń kedendik rásimi boıynsha ornalastyrylǵan jáne shyǵarylǵan taýarlar Qazaqstan Respýblıkasynyń aýmaǵynan kedergisiz áketilýge jatady", - dep habarlady komıtettegiler.
”Adyrna” ulttyq portaly
