Auyl şaruaşylyǧy ministrı Aidarbek Saparov 19 qyrküiekte ötken Ükımet otyrysynda biylǧy jiyn-terım jaiyn taldady. Sonymen qatar, Qazaqstandaǧy dändı-daqyldar önımdılıgınıŋ tömen ekenın mälımdedı, dep habarlaidy "Adyrna" ūlttyq portaly.
Aidarbek Saparov negızgı astyq egetın öŋırlerdegı jaŋbyrdyŋ jauuyn alǧa tartyp, saldary turaly aityp berdı:
"Jaŋbyr üş aptadan astam uaqytqa sozyldy, būl jaŋa daqyldyŋ astyq sapasynyŋ tömendeuıne, astyqtyŋ önuıne, joǧary ylǧaldylyq pen refaksiiaǧa jäne dändı daqyldardyŋ tömen önımdılıgıne äkeldı. Aita ketu kerek, ortaşa önımdılık ötken jylǧy deŋgeiden 2,7 s/ga tömen", - dep atap öttı ministr.Ministrdıŋ aituynşa, jūmys komissiialary barlyq zardap şekken aimaqtarǧa baryp, egın jinau jūmystarynyŋ barysyn taldaǧan.
"Egın jinau sapasynyŋ tömendıgıne bailanysty tūqymmen qamtamasyz etu mäselesı özektı bolady. Osyǧan bailanysty azyq-tülık korporasiiasy jūmys ıstep, tūqym qoryn qalyptastyru maqsatynda saraptama bastady. QTJ astyqty tasymaldauda uaqtyly jetkızudı qamtamasyz etuı qajet. Ūlttyq gaz operatory tarapynan astyqty keptırudı jüzege asyratyn käsıporyndarǧa gaz berudı tolyq kölemde qamtamasyz etken dūrys", – dedı Aidarbek Saparov.Jalpy, ministrdıŋ mälımetınşe, aǧymdaǧy jyly dändı jäne dändı-būrşaqty daqyldardy jinau alaŋy 17,3 mln gektar bolǧan. Qazır respublika boiynşa 6,9 mln gektardan dändı jäne dändı-būrşaqty daqyl (40%) jinaldy.
"Adyrna" ūlttyq portaly
Ūqsas jaŋalyqtar
