23 qazan kúni «Adyrna» ulttyq portalynda «Aýyl saıabaǵyn abattandyrýǵa 240 mıllıon teńgeden astam qarjy bólindi» degen synı maqala jarııalandy. Sol materıalǵa qatysty «Shyǵys Qazaqstan oblysynyń qurylys, energetıka jáne turǵyn úı-kommýnaldyq sharýashylyq basqarmasy» memlekettik mekemesi jaýap berdi, dep habarlaıdy «Adyrna» ulttyq portaly.
Biz buǵan deıin Jańa Buqtyrma aýyly Úlbi jotasynyń eteginde, Ertis ózeniniń jaǵasynda ornalasqan, tabıǵaty keremet meken ekenin, jergilikti bılik resmı kent sanalǵanymen halqy tym az shaǵyn aýyldyń parkin kórkeıtýge 240 mıllıon teńgeden astam qarjy bólipotyrǵanyn, ol parktiń ataýy tikeleı Uly Otan soǵysyna baılanystyrylǵanyn jazǵanbyz. Kókeıimizde «Shyǵys Qazaqstan oblysynyń shendileri dál Reseı bıligi sekildi memlekettiń bar ıdeologııasyn Ekinshi dúnıejúzilik soǵystaǵy jeńiske baılap, halyqty rýhtandyrmaq pa?» degen jalǵyz saýal búlkildep turdy.
Bul suraqty Shyǵys Qazaqstan oblysynyń memlekettik satyp alý basqarmasyna joldap edik, oǵan «Shyǵys Qazaqstan oblysynyń qurylys, energetıka jáne turǵynúı-kommýnaldyq sharýashylyq basqarmasy» jaýap berdi.
«Sizdiń 2023 jylǵy 24 qazandaǵy №ZT-2023-02156399suraýyńyzǵa kelesini habarlaımyz.
Aǵymdaǵy jyldyń maýsym aıynda Basqarma men «AST Qurylys 22» JShS arasynda «Jańa Buqtyrma kentindegi Uly Otan soǵysyndaǵy Jeńistiń 75 jyldyǵyna arnalǵan eskertkishtiń aýmaǵyn abattandyrý» nysanyn qaıta qurý boıynsha shart jasaldy. Uly Otan soǵysyndaǵy Jeńistiń 75 jyldyǵy eskertkishiniń demalys aımaǵy retinde qaıta jańartylatyn ýchaskesi kenttiń ortalyq bóliginde eki jaǵynan kenttiń ortalyq kóshesi - Abaı kóshesiniń boıynda ornalasqan jáne 5 fýnkıonaldyq aımaqtyń qurylymyn kózdeıdi:
- «Arbat aımaǵy jáne tynysh demalys aımaǵy» serýendeý alleıalaryn ornalastyra otyryp, jańa saıabaq aımaǵyn qurýdy, aýmaqty kógaldandyrýdy, jeke daıyndaýdyń shaǵyn sáýlettik nysandaryn ornatýdy kózdeıdi. Arbattyńaıryqsha elementi «Qurǵaq sýburqaq» bolady;
- «Saıabaq aımaǵy» irgeles aýmaqty abattandyrýmen, qoldanystaǵy eskertkishti qaıta jańartýdy kózdeıdi. Jobada kópjyldyq shyrshalardy jáne qoldanystaǵy jasyl jelekterdi saqtaý kózdelgen;
- «Belsendi demalys aımaǵy» jasóspirimder sport mektebiniń aýmaǵynda ornalasqan. Quramyna 3 sport alańyn – basketbol alańyn, ústel tennısin oınaýǵaarnalǵan alańdy jáne shaǵyn fýtbol alańyn (qysta muzaıdynyn ornatý múmkindigimen), sondaı-aq jańa oıynjabdyqtaryn ornata otyryp, ártúrli jastaǵy toptarǵaarnalǵan balalar oıyn alańdaryn ornalastyrýdy qamtıdy. Sonymen qatar, osy aýmaqta eresek turǵyndardyń sportpenshuǵyldanýyna arnalǵan (trenajerler) aımaǵyqarastyrylǵan. Sporttyq demalystyń qosymsha elementiretinde rolıktermen, samokattarmen jáne velosıpedtermenjúrýge arnalǵan pamp-tregi qarastyrylǵan;
- «Mádenıet úıiniń aımaǵy» jol jabyndaryn aýystyra otyryp, qoldanystaǵy mádenıet úıiniń aınalasyn qaıta qurý kózdelgen. Atalǵan aımaqta paıdalanylmaıtyn sýburqaqty bólshektep, onyń ornyna músini bar «Jaryq fontanyn» ornatý qarastyrylǵan;
- «Qoǵamdyq tamaqtaný aımaǵy» qoldanystaǵy profılaktorııa ǵımaratynyń janynda serýendeý alleıasyn ornatýdy, aýmaqty kógaldandyrýdy, jeke óndiristiń shaǵyn arhıtektýralyq nysandaryn ornatýdy kózdeıdi. Úlkenalańdar bolashaqta ashyq aýada tamaqtanýǵa arnalǵanshatyrlary men ústelderi bar modýldik fastfýdǵımarattaryn ornatýǵa múmkindik beredi. Qazaqstantarıhyn baıandaıtyn aıryqsha element «KazArtKýb» músinibolady.
Jobamen kenttiń ortalyq bóligin abattandyrý kózdelgen, onyń ishine Uly Otan soǵysyndaǵy Jeńistiń 75 jyldyǵyna arnalǵan eskertkishtiń aýmaǵy da engizilgen. Osyǵan oraı jobanyń ataýy «Jańa Buqtyrma kentindegi Uly Otan soǵysyndaǵy Jeńistiń 75 jyldyǵyna arnalǵan eskertkishtiń aýmaǵyn abattandyrý» bolyp tańdalǵan» delingen.
Jańa Buqtyrma kentindegi (aýyl dese de bolady) halyq sany 6 myńǵa jetpeıdi. Sol aýyldyń ıgiligi úshin 240 mıllıon teńgeden astam qarjy bólip jasalǵan demalys aımaǵyn Ekinshi dúnıejúzilik soǵyspen baılanystyrýdyń qanshalyq qajettiligi bar edi?! Bul Reseı bıligi sekildi memlekettiń bar ıdeologııasyn Ekinshi dúnıejúzilik soǵystaǵy jeńiske baılap tastaý emes pe?
Bul suraqtardy qaıtara oblystyń ıdeologııalyq máselelerine jaýapty organdarǵa joldaıtyn bolamyz!
Qanat Birlikuly
«Adyrna» ulttyq portaly
