Bılım beru salasyn tūraqty damytu qory, Aitas holdingı, «Qazaqstan halqyna» qory, Nazarbaev ziiatkerlık mektepterı elımızdıŋ Oqu-aǧartu ministrlıgı qoldauymen «Auyldyq aimaqtardaǧy tırek mektepterdıŋ äleuetın arttyru» auqymdy jobasynyŋ soŋǧy kezeŋın bastady.
2025 jyly jobaǧa elımızdıŋ är oblysynan 51 mektep qatysady. Osylaişa, 2019 jyly bastau alǧan joba barlyǧy elımızdıŋ är audany men monoqalasynda 192 oqu ornyn qamtidy. Joba maqsaty – auyl men qala mektepterı arasyndaǧy bılım sapasyndaǧy teŋsızdıktı joiuǧa baǧyttalǧan.
2019 jyly Aitas holdingınıŋ äleumettık missiiasy aiasynda ūlttyq tırek mektepter jelısın qūru strategiiasyn ıske asyra bastady. Al 2022 jyly «Qazaqstan halqyna» qory qoldauy arqasynda atalmyş joba elımızdıŋ är öŋırındegı auyl mektepterıne jettı. Osy aralyqta Nazarbaev ziiatkerlık mektepterı jobanyŋ akademiialyq serıktesı bolyp keledı.
Tırek mektepter jelısıne engen är mektepte zamanaui oqu-qūraldary, STEM, robototehnika kabinetterı, art jäne telestudiia paida bolady. Ūstazdar elımızdıŋ üzdık ūstazdarymen täjıribe almasady.
Joba tolyǧymen jeke jäne qaiyrymdylyq qarjyǧa jüzege asady. Är mekteptıŋ jabdyqtaluyna «Qazaqstan halqyna» qory 250 mln teŋgeden, jalpy 12,8 mln teŋge böldı. Aitas holdingı Bılım beru salasyn tūraqty damytu qorynyŋ operasiialyq şyǧyndaryn ötep berse, «Nazarbaev ziiatkerlık mektepterı» DBBŪ auyl ūstazdaryn öz qarajatyna oqytady.
Tırek mektepter jelısın damytu auyldaǧy bılım sapasynyŋ tūraqty ösuıne jäne balalardyŋ teŋ bılım aluyna mümkındık beredı.
2022-2024 jyldary ūlttyq tırek mektepter jelısın qūru strategiiasy arqasynda elımızde 141 auyl mektebı tırek mektep statusyn aldy. Biylǧy 51 mekteptıŋ arqasynda olardyŋ sany 192-ge jetedı. Jalpy 1900-den astam kabinet jaŋadan jabdyqtalyp, 190 myŋǧa juyq zamanaui jaǧdaida bılım alady.
Tırek mektepter az uaqytta joǧary nätije körsetıp jatyr. ŪBT, olimpiadalar men halyqaralyq jarys jeŋıspazdary sany artuday.
Esterıŋızge salsaq, 2024 jyldyŋ jeltoqsanynda Prezident Qasym-Jomart Toqaev jobaǧa qatysqan Hromtau mektebıne baryp, mektep pen ūstazdarǧa joǧary baǧasyn berdı. Al premer-ministr Oljas Bektenov äkımdıkter men Oqu-aǧartu ministrlıgıne 2025 jyldyŋ soŋyna deiın elımızde 200 tırek mektep qūrudy tapsyrǧan bolatyn.
