Qazaqstandaǵy aýyldar sany azaıýda. Sońǵy 10 jylda olardyń sany 582-ge kemigen, dep habarlaıdy "Adyrna" ulttyq portaly. Bul týraly úkimetke Ulttyq ekonomıka mınıstri Nurlan Baıbazarov baıandady.
«Sońǵy 10 jylda aýyldyq eldi mekenderdiń sany 6838-den 6256-ǵa nemese bylaısha aıtqanda 582 birlikke qysqardy. Negizinen halqy 50-den aspaıtyn aýyldarda qysqartý baıqaldy, halqy jaqyn mańdaǵy eldi mekenderge biriktirildi», - dedi mınıstr.
Qazaqstanda 6256 aýyldyq eldi meken bar, olarda 7,6 mıllıon adam turady, bul el halqynyń 38,4 paıyzyn quraıdy. Bul rette tabysy eń tómengi kúnkóris deńgeıinen tómen aýyl halqynyń úlesi 7,2%, jumyssyzdyq deńgeıi 4,7% quraıdy. Ózin-ózi jumyspen qamtyǵandardyń úlesi 33% nemese 1,2 mln adamdy quraıdy.
2023 jyly aýyldardy negizgi qyzmettermen qamtamasyz etý deńgeıi 64,3% qurady, bul 2022 jylmen salystyrǵanda 2,1 paıyzǵa artyq. Bul tusta nysandar men qyzmetterdiń eń joǵary usynylýy Mańǵystaý oblysynda – 72,4%, Atyraý oblysynda – 70% jáne Aqtóbe oblysynda – 69,6% baıqalady.
Qaýipsizdik deńgeıiniń tómendigi boıynsha: Shyǵys Qazaqstan oblysynda – 58%, Ulytaýda – 57% jáne Abaıda – 55,4%.
«Sonymen, qaýipsizdik deńgeıi joǵary aýyldardyń sany 1296 birlikti quraıdy, bul 2022 jylmen salystyrǵanda 169 birlikke artyq. Bul rette tabys deńgeıi tómen aýyldardyń úlesi 1676 aýyldan 1399 aýylǵa deıin azaıdy. Jalpy, aýyl turǵyndarynyń ómir súrý sapasyn jaqsartý jáne óńirlik standarttarmen qamtamasyz etý deńgeıin arttyrý maqsatynda mınıstrlik múddeli memlekettik organdarmen jáne ákimdiktermen birlese otyryp, birqatar júıeli sharalardy júzege asyrýda», - dep qosty Baıbazarov.
Sheneýnikter aýyldyq aýmaqtardyń áleýmettik-ekonomıkalyq áleýetin ashýǵa arnalǵan Qazaqstan Respýblıkasynyń 2023-2027 jyldarǵa arnalǵan aýyldyq aýmaqtardy damytý tujyrymdamasyn júzege asyrýda.
