Halyqaralyq jastar künıne orai, 7-8 tamyz künderı audanymyzda «Auyl LIFE» oblystyq jobasy aiasynda bırqatar ıs-şaralar ozdyryldy. Jobanyŋ alǧaşqy künınde oblys äkımınıŋ orynbasary Qaiyrjan Meŋdıǧaliev oblys jäne audannyŋ belsendı jastarymen kezdestı. Kezdesuge audan äkımınıŋ orynbasary Serık Qaiyrliev, oblystyq qoǧamdyq damu basqarmasynyŋ bölım basşysy Mirfat Bisekenov, oblystyq jastarmen jūmys jönındegı resurstyq ortalyǧynyŋ direktory Aŋsar İbraev, «Auyl LIFE» jobasynyŋ qatysuşylary men audanymyzdyŋ belsendı jastary qatysty.
Kezdesu barysynda oblys äkımınıŋ orynbasary jastarmen aşyq pıkır almasyp, olardyŋ oi-pıkırlerı men ūsynystaryn tyŋdap, jas buyn auyl jastarynyŋ äleumettık belsendılıgı, jūmysqa ornalasu, bos uaqytty tiımdı paidalanu turaly oi qozǧady.
Kezdesude köterılgen oilar men ūsynystar auyl jastarynyŋ qoǧam ömırıne belsendı aralasuǧa daiyn ekenın körsetedı. Bız sızderdıŋ jūmysqa ornalasu, bılım alu jäne bos uaqytty tiımdı paidalanu baǧytyndaǧy bastamalaryŋyzdy qoldauǧa müddelımız. Ärqaisyŋyzdyŋ ideiaŋyz – auyldyŋ, öŋırdıŋ damuyna qosylǧan üles. Eŋ bastysy – alǧa qoiǧan maqsattaryŋyzdan taimai, jaŋa mümkındıkterdı paidalana bılu. Sızderge ärdaiym senım artamyz jäne bırge jūmys ısteuge daiynbyz, - degen Qaiyrjan Ermekūly jastardyŋ belsendılıgıne oŋ baǧasyn berdı.
Jastardy jıgerlendırgen kezdesude Batys Qazaqstan oblysy äkımınıŋ orynbasary Qaiyrjan Meŋdıǧaliev jastar arasyndaǧy belsendı azamattardy atap ötıp, öz atynan alǧys hattarmen marapattady. Qūrmetke ie bolǧandardyŋ qatarynda qaiyrymdylyq şaralaryna belsene qatysyp jürgen erıktı, jas käsıpker Dana Ermūhanova, jihaz sehyn damytyp otyrǧan käsıpker, mesenat Erbol Aiapov, qūs şaruaşylyǧyn jolǧa qoiyp, memlekettık grant iegerı atanǧan Manas Asylhanūly jäne tärtıp saqşysy, polisiia qyzmetkerı Orazǧali Orazymbetov bar.
Oblys äkımınıŋ orynbasary jastarmen bergı audan ortalyǧyndaǧy «Dostyq» saiabaǧynda ūiymdastyrylǧan merekelık konsertke qatysty.
«Auyl LIFE» jobasy aiasynda belgılı şaştaraz Berık Qaiyrşa «Qaişydaǧy kreativ», SMM maman, bloger Ädemı Jarasova «Bızdıŋ älem», bloger, qolöner şeberı Darajat Haparova «Balalarymyzdy bügınnen damytaiyq» taqyrybynda şeberlık saǧattaryn ötkızdı. Sonymen qatar joba qatysuşylary audandyq tarihi-ölketanu muzeiımen jäne audandyq ortalyqtandyrylǧan kıtaphanamen tanysty. Al 8 tamyz künı joba qatysuşylary özara baqtaryn synap, ūlttyq qūndylyqtarymyz ben auyl tırşılıgın därıptedı.
Joba qatysuşylary kelesı baǧyttar boiynşa öz şeberlıkterın synady:
«Sauyp ışkennıŋ dämı bölek» bölımınde näzık jandy qyzdar siyr sauu şeberlıkterın körsetıp, auyl tūrmysynyŋ maŋyzdy daǧdylaryn paş etse, «Qasterlı käsıp» bölımınde jıgıtter qoi soiudyŋ dästürlı ädısterın körsetıp, ettı müşeleu men öŋdeudıŋ qyr-syryn tanystyrdy. Kelesı bölımde arular ūlttyq taǧamdardy daiyndap, dämı tıl üiırer as mäzırın ūsyndy. Al «Bırlık küş beredı» bölımınde arqan tartysyp, komandalyq oiyn arqyly qatysuşylar bırlık pen küştıŋ maŋyzyn körsettı.
«At – er qanaty» demekşı jıgıtter atqa qūryq salu şeberlıkterın körsetıp, atqa mınudıŋ ädısterın tanystyrsa, qyzdar «Auyldyŋ aq dämı» dep qūrt daiyndaudyŋ dästürlı täsılderın körsetıp, taǧamnyŋ maŋyzdylyǧyn tüsındırdı. Jıgıtter qoi köteru arqyly küş pen tözımdılıkterın synasa, qyz-kelınşekter ūrşyq iıru arqyly qolönerdıŋ näzık tūstaryn körsete bıldırdı. Läŋgı tebu arqyly jıgıtter eptılık pen şapşaŋdyqtary boiynşa synǧa tüstı.
Tartysty ötken jarysta I oryndy «Qosözen» komandasy ielense, II oryndy «Jarqyra» komandasy, III oryndy «Ruh» komandasy qanjyǧaǧa bailady.
Jobanyŋ jabylu saltanatyna qatysqan audan äkımınıŋ orynbasary Serık Qaiyrliev joba ūiymdastyruşylary men qatysuşylarǧa rizaşylyǧyn bıldırdı.
- Sızderdıŋ eŋbekterıŋız auyl ömırıne serpın berıp, jaŋa ideialardyŋ jüzege asuyna jol aşty. Osyndai jobalar arqyly auylymyzdyŋ äleuetı artyp, jastarymyzdyŋ bolaşaǧy jarqyn bolaryna senımdımın. Bırlesıp eŋbek etıp, jaŋa jetıstıkterge jete bereiık!, - degen audan äkımınıŋ orynbasary älemdık arenalarda Qazaqstannyŋ tuyn biıkte jelbıretıp jürgen, sambo jäne dziudo sport türlerınen halyqaralyq deŋgeidegı sport şeberı, Älem jäne Aziia chempiony, Qazaqstannyŋ bırneşe dürkın jeŋımpazy Nūrbol Serıkovke jerlesterı atynan tūlpar mıngızdı.
Aita keteiık, joba Batys Qazaqstan oblysy äkımdıgınıŋ qoǧamdyq damu basqarmasynyŋ, Kaztalov audany äkımdıgınıŋ qoldauymen, «Zaman» jastar qoǧamdyq bırlestıgı jäne audandyq jastarmen jūmys jönındegı resurstyq ortalyǧynyŋ ūiymdastyruymen jüzege asty.
- Biylǧy kezeŋge äleumettık jelıler arqyly ırıktelgen, oblystaǧy belsendı 15 jas (9 er bala, 6 qyz) qatysty. Olardyŋ ışınde auylda tuyp, keiın qalaǧa qonys audarǧan jastar da bar. Tuǧan jerın ūmytpai, auyldyŋ qadırın tüsınsın degen nietpen jobaǧa tarttyq. Qatysuşylar ūlttyq salt-dästürlerge negızdelgen saiystarda baq synap, auyl ömırınıŋ qyzyǧy men şyjyǧyn bırge sezındı. Būl joba aldaǧy uaqytta da jalǧasyp, jastar men auyl arasyndaǧy bailanysty küşeitudı maqsat etedı, – dedı joba avtory, BQO Jastarmen jūmys jönındegı resurstyq ortalyǧynyŋ basşysy Aŋsar İhsanūly.
«Auyl LIFE» jobasy joǧary deŋgeide ūiymdastyrylǧan. Qalanyŋ küibeŋ tırşılıgıne sıŋısıp ketkennen keiın, auyldyŋ tynyş, taza auasy miymyzdy tynyqtyrdy. Mänı bar jobany audan ūiymdastyruşylaryna jäne oblystyq jastar resurstyq ortalyǧyna alǧysymdy bıldıremın. Mūndai jobalar jastardy ūlttyq qūndylyqtarmen bailanystyryp, auyl ömırınıŋ şynaiy kelbetın tanyp-bıluge jol aşady. Aldaǧy uaqytta osyndai igı jobalar jalǧasyn tabady degen oidamyn, – dep bölıstı joba qatysuşysy, aitysker-aqyn ärı änşı Raiymbek Ötepov.
– Osy jobanyŋ arqasynda alǧaş ret kiız üige kelıp, tünedık. Şaŋyraqqa qarap, jerden erekşe bır energiia alǧandai boldyq. Būl sät men üşın öte äserlı boldy. Taŋǧy salqynmen oianyp, künnıŋ şyǧuyn tamaşaladyq. Tabiǧattyŋ tylsym tynysy janymyzǧa tynyştyq syilady. Joba aiasyndaǧy ekınşı kün de erekşe bastaldy. Jıgıtter qoi soiyp, qyzdar et asyp, nan ilep, auyl ömırınıŋ qyzyqty sätterın bastan ötkerdı. Jün tütıp, ūrşyq iıru sekıldı ūmytylyp bara jatqan dästürlı ısterge aralasyp, sonau balalyq şaqtaǧy äje-analardyŋ meiırımı men jyluyn eske alǧan qatysuşylar közderıne jas aldy. Kielı Kaztalov audanynda ötıp jatqan «Auyl LIFE» jobasy ūlttyq ruhymyzdy oiatty. Būl jobadan alǧan äserımız – ūlttyŋ bolmysyn sezınu. Ūiymdastyruşylarǧa alǧys aitamyz, – dep joba qatysuşysy Bibınūr Hamit öz äserımen bölıstı.
