15 qazanda Oral qalasynda Mūnai-gaz maşina jasau forumy jäne Operatorlardyŋ aşyq esık künı aiasynda Batys Qazaqstan oblysynyŋ önerkäsıptık käsıporyndaryna tanysu saparlary ūiymdastyryldy.
Qatysuşylar «UralskAgroRemMaş» AQ, «West Oil Engineering Company» JŞS jäne «Batys Qazaqstan maşina jasau kompaniiasy» AQ öndırıstık alaŋdaryna baryp, käsıporyndardyŋ öndırıstık quattary men öŋırdegı önerkäsıptık äleuetımen tanysty.
Delegasiiany Qazaqstan Respublikasy Energetika vise-ministrı Erlan Esenäliūly Aqbarov bastap bardy. Saparǧa Qazaqstan Respublikasy Qūryltaiynyŋ deputattary, «QazMūnaiGaz» ŪK» AQ basşylyǧy, «PSA» JŞS uäkılettı organynyŋ ökılderı, sondai-aq ırı mūnai-gaz operatorlarynyŋ basşylary qatysty. Olardyŋ qatarynda «Teŋızşevroil» JŞS bas direktory Uiliam Lakobi, «Qaraşyǧanaq Petrolium Opereiting B.V.» bas direktory Marko Marsili, NCOC N.V. basqaruşy direktorynyŋ orynbasary Jandos Orazaliev, sondai aq IMBC Bas direktory Dastan Äbışev boldy.
Atalǧan zauyttar mūnai-gaz salasyna arnalǧan ölşeu, esepke alu jäne avtomattandyru jüielerın, avtosisternalardy, ört söndıru tehnikasyn, metall konstruksiialaryn, sondai-aq mūnai-gaz salasynda sūranysqa ie ırı mūnai-gaz jäne energetikalyq jabdyqtardy öndıredı.
Kezdesuler barysynda zauyttardyŋ tehnologiialyq mümkındıkterı tanystyrylyp, öndırıstık äleuettı arttyru jäne ırı mūnai-gaz jobalarynyŋ operatorlarymen yntymaqtastyqty keŋeitu mäselelerı talqylandy.
Sapardyŋ ūiymdastyryluy Batys Qazaqstan oblysynyŋ önerkäsıptık äleuetı joǧary öŋır retındegı maŋyzdylyǧyn aiqyndap, memlekettık organdar, otandyq öndıruşıler jäne ırı mūnai-gaz operatorlary arasyndaǧy ärıptestık bailanystardy nyǧaituǧa yqpal ettı.
