Öndırıske jaqyndasaŋ Reseiden ärtürlı jolmen qysym ūiymdastyrady - Abzal Qūspan

6113
Adyrna.kz Telegram
https://adyrna.kz/content/uploads/2023/01/14e0c3e1-a124-4d67-87d9-2092bd30ba24.jpeg
Tynyş ömır sürgıŋ kele me? Ösıp-öngıŋ kele me? Onda öndırıske jolama! Būl pıkırdı zaŋger Abzal Qūspan jurnalist Nartai Aralbaiūlyna bergen sūhbatynda aitty, dep habarlaidy “Adyrna” ūlttyq portaly. Zaŋgerdıŋ aituynşa, öndırıske jolau - qauıp.
“Beisenbaevtyŋ ısın alyp qaraiyqşy. Qyzylorda oblysynda amerikandyq kompaniialarmen bırıgıp, äinek zauytyn salyp jatty. Mıne, bıtıp, 90%-y qaldy dep jatqan kezde antikor qylmystyq ıs qozǧaidy. Bükıl jūmysty toqtatyp tastaidy, ıs qūjattaryn tartyp alady. Sosyn qylmystyq ıs sotqa deiın jetedı. El-jūrt onyŋ detaldaryn bılmeidı. Öitkenı, sotta ne bolyp jatqany eşkımge qyzyq emes. Jurnalister de dūrys aqparat taratpaidy. Bır-ekı sait aqparat taratsa, mynau ministrdı aqtaiyn dep jatyr dep senımsızdık bıldıredı. Men de ministrdı qorǧaǧam joq. Bıraq ondaǧan azamattar ıske tartyldy, sonyŋ ışınde qūrylysşylardyŋ müddesın qorǧadym. Bıraq ana jerde otyryp anyq közım jettı. Ol amerikandyq kompaniianyŋ özınıŋ tarapynan da aityldy: “Jaqsy ıs boldy, jaqsy sybailas jemqorlyq bolsyn deiık, jaqsy bırneşe ai ıs boldy, jaqsy tergeu jürgızıldı. Bıraq nege bızdıŋ jūmysty toqtatasyzdar? Būl Qazaqstanǧa tiımsız ǧoi”,- dep aşyq tekstpen aitty. Ony Beisenbaev ta aityp jatyr: “Mūnyŋ saiasi astary bar, Resei tarapynan jasalyp jatqan qysym” dep. Osyndai ısterdı köp kördım. Keŋes alatyn käsıpkerlerge aitamyn: Tynyş ömır sürgıŋ kele me? Ösıp-öngıŋ kele me? Onda öndırıske jolama! Alyp-satumen jüre ber. Memleketten aqşa alyp, qūrylysyŋdy jürgıze ber. Bıraq öndırıske jaqyndadyŋ boldy, Reseiden ärtürlı jolmen qysym ūiymdastyrady”, dedı Abzal Qūspan.
Pıkırler