«Şaŋyraq» balalar üiınıŋ tülekterı jergılıktı tūrǧyn üi kezegınde tūrǧan halyqtyŋ äl-auqatyn jaqsartu maqsatynda äleumettık tūrǧyn üi qūrylysyna Batys Qazaqstan oblysy äkımı Ǧali Esqalievten kömek körsetuın sūrady, dep habarlaidy “Adyrna” ūlttyq portaly.
“Balalar üiınen şyqqandyqtan bızde tūrǧylyqty oryn joq. Bızge päter jaldap tūru, onyŋ aqysyn töleu qiynǧa soǧady. Al jaldamaly päterlerdı odan ärı salu biyl josparda joq eken. Onyŋ ornyna tūrǧyn üi jaldau aqysyn subsidiialau tetıgı tūr”,- dedı “Şaŋyraq” balalar üiınıŋ tülegı.Zaŋ boiynşa, 2010 jyldan bastap halyqtyŋ äleumettık osal toptaryna jatatyn, tūrǧyn üige mūqtajdar arasynan jetım jäne ata-anasynyŋ qamqorlyǧynsyz qalǧan balalar baspana kezegın kütude. Alaida, jyl saiyn kezekte tūrǧandar sany artyp keledı. Jalǧa berıletın tūrǧyn üi qūrylysyn toqtatyp, ony jalǧa berudı subsidiialau tetıgımen auystyru kezekte tūrǧandardyŋ bolaşaqta baspana aluǧa zaŋdy qūqyǧyn būzuda. Balalar üiınıŋ tülekterınıŋ aituynşa, jalǧa berıletın tūrǧyn üi qūrylysyn toqtatu bırqatar keleŋsız faktorlarǧa äkep soqtyruy mümkın. Mäselen, kommersiialyq tūrǧyn üi qūnynyŋ odan ärı qymbattauy. Ol qymbattasa balalar üşın mülde tūrǧyn üi qoljetımsız bolmaq.
“Tūrǧyn üidı subsidiialaudy «uaqytşa» şara dep esepteimız. Būl rette azamattardy tūraqty äleumettık baspanamen qamtamasyz etu mäselesı şeşılmeidı. Qūrmettı äkım myrza, jalǧa berıletın äleumettık tūrǧyn üi qūrylysyn qalpyna keltıruge yqpal etuıŋızdı sūraimyz! Bızdıŋ ata-anamyz, tuǧan-tuystarymyz ben jaqyndarymyz joq. Sız jalǧyz qoldauşymyzsyz! Bar ümıtımız sızde! “,- dep äkımnen kömek sūrady.
“Adyrna” ūlttyq portaly
Ūqsas jaŋalyqtar
