«AMANAT» respýblıkalyq saılaýaldy shtabynyń músheleri Aqtóbe oblysynda óńir jurtshylyǵymen, kásiporyndardyń eńbek ujymdarymen, dárigerlermen jáne basqalarmen kezdesti.
Óńir jurtshylyǵymen júzdesýge 300-den astam adam qatysty. Onda shtab músheleri partııanyń saılaýaldy baǵdarlamasyndaǵy turǵyn úıge qoljetimdilikti, sapaly bilim berýdi, ınfraqurylymdy jáne jol jóndeýdi qamtamasyz etýge baǵyttalǵan negizgi basymdyqtary týraly aıtty.
Partııalyqtar retsiz salynǵan qurylys pen tozyǵy jetken ınfraqurylym adamdardyń ómir súrý sapasyna keri áser etetinin atap ótti.
«AMANAT» partııasy ǵımarattardyń tyǵyz salynýyn jáne úlestik qurylys máselelerin boldyrmaý úshin jańa «Qurylys kodeksin» qabyldaýdy qamtamasyz etedi. Biz úlestik turǵyn úı qurylysyndaǵy barlyq problemalyq nysandardy paıdalanýǵa berýge qol jetkizemiz, jeke qurylys kompanııalaryna áleýmettik turǵyn úı salý úshin yntalandyrýlar jasaımyz. Ǵımarattardy seısmometrııalyq baqylaý kúsheıtilip, qurylys kezinde tehnıkalyq normalardyń saqtalýyn baqylaý qamtamasyz etiledi», - dep atap ótti shtab múshesi Berdibek Saparbaev.
Partııa aldaǵy 5 jylda óńirde keminde 30 myń otbasyn turǵyn úımen qamtamasyz etýdi josparlap otyr. Oblystyń barlyq aýdanynda jáne Aqtóbe qalasynda 40 mektep salynyp, 160-tan astam mektep jańartylady, keminde 2200 shaqyrym joldy jóndeýge qarajat bólinedi.
Budan soń partııalyqtar arnaıy kıim shyǵaratyn kásiporynnyń eńbek ujymymen kezdesý ótkizdi. Salada mamandardyń jetispeýshiligi jáne turaqty túrde uzaq merzimdi tapsyrystardyń bolmaýy sııaqty birqatar problema bar. Partııalyqtar jańa jeńil ónerkásip kásiporyndaryn qurýǵa jáne olardyń júktemesin yntalandyrýǵa nıetti ekenin atap ótti.
Shtab músheleri óńirdegi mádenıet jáne sport qyzmetkerlerimen mádenı murany saqtaý jáne salaýatty ómir saltyn nasıhattaý máselelerin talqylady.
Aqtóbe ferroqorytpa zaýytynyń qyzmetkerlerimen kezdesýde shtab músheleri jumysshylardyń múddeleri men quqyqtaryn qorǵaý partııanyń negizgi basymdyqtarynyń biri ekenin alǵa tartty.
Aldaǵy 5 jylda óńirde 105 myń jańa jumys ornyn ashý jáne 55 kásiporynda qural-jabdyqtardy jańǵyrtý josparlanýda. Partııalyqtar zııandy jáne qaýipti óndiristerde jumys isteıtin jumysshylardyń zeınetke erte shyǵý múmkindigine qol jetkizetin bolady.
Aqtóbe oblysynyń medıınalyq qaýymdastyǵymen kezdesýde partııalyqtar densaýlyq saqtaý júıesin túbegeıli jaqsartýǵa qol jetkizý sharalaryn talqylady. Aldaǵy bes jylda óńirde 42 densaýlyq saqtaý nysany salynady, onyń ishinde oblystyq qan ortalyǵynyń qurylysy da josparlanyp otyr.
Daıyndaǵan: "AMANAT" partııasynyń baspasóz qyzmeti
Tapsyrys berýshi: M.J. Ospanov
“AMANAT” partııasynyń saılaý qory qarajaty esebinen tólendi.
