سىبايلاس جەمقورلىققا قارسى ءىس-قيمىل اگەنتتىگىنىڭ القا وتىرىسىندا توراعا و.ا. بەكتەنوۆتىڭ بايانداماسىنىڭ قىسقاشا مالىمدەمەسى:
سىبايلاس جەمقورلىققا قارسى قىزمەتتىڭ اعىمداعى جىلعى ءبىرىنشى جارتىجىلدىعىنداعى جۇمىسىنا ەلىمىزدە بولىپ جاتقان وقيعالار اسەر ەتكەنى بارىمىزگە ءمالىم.
تەك «قاڭتار وقيعاسىنىڭ» ناتيجەسىندە قۇقىق قورعاۋ ورگاندارى قىزمەتكەرلەرىنىڭ تاراپىنان ازاپتاۋ مەن وكىلەتتىكتەرىن اسىرا پايدالانۋ فاكتىلەرى بويىنشا اگەنتتىك تەرگەۋشىلەرىنىڭ وندىرىسىندە 360 قىلمىستىق ءىس بولدى.
بۇل ساناتتاعى ىستەردىڭ سانى وتكەن جىلدارمەن سالىستىرعاندا ەكى ەسە ارتىق.
قازىرگى تاڭدا 170 ءىس بويىنشا تەرگەۋ جالعاسۋدا، 167-ءسى اياقتالدى.
23 قىلمىستىق ءىس ءارى قاراي تەرگەۋ ءۇشىن پروكۋراتۋراعا جولداندى.
زاڭسىز شەتەلگە شىعارىلعان قاراجات پەن مۇلىكتى ەلگە قايتارۋ ماقساتىندا حالىحارالىق ىنتىماقتاستىقتى كۇشەيتۋ كەرەك.
شىلدەنىڭ 30-ىندا ەۋروپا كەڭەسىنىڭ تاراپىنان قازاقستانعا ەۋروپالىق سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى كونۆەنتسياعا قوسىلۋ جونىندە رەسمي شاقىرۋ حاتى كەلدى.
ەندى كونۆەنتسياعا قوسىلۋ ءۇشىن قاجەتتى پروتسەدۋرالاردى قولعا الاتىن بولامىز.
بۇل كونۆەنتسيا شەتەلدەن كوررۋپتسيونەرلەر مەن ۇرلانعان اكتيۆتەردى قايتارۋ جولىنداعى مۇمكىنشىلىكتەرىمىزدى كەڭەيتەدى.
ەۋروپا كەڭەسىنىڭ كوررۋپتسياعا قارسى مەملەكەتتەر توبىنىڭ مۇشەسى بولۋ - ەلىمىز ءۇشىن وتە ماڭىزدى قادام.
گرەكو-نىڭ تولىققاندى قاتىسۋشى رەتىندە العاشقى مونتيرينگتىك راۋندتار شەڭبەرىندە بىزگە بەرىلگەن 27 ۇسىنىمىن ورىنداۋ ۇستىندەمىز.
ەستەرىڭىزدە بولار، اۋماقتىق دەپارتامەنتتەرگە لاۋازىمدى تۇلعالاردى جاۋاپقا تارتقانى ءۇشىن ۇپايلار قالاي بەرىلگەنى.
شەنەۋنىكتىڭ دارەجەسى نەعۇرلىم جوعارى بولسا، سوعۇرلىم جوعارى ۇپاي بەرىلگەن.
بۇل ويعا سيار ەمەس!
قۇرمەتتى ارىپتەستەر!
كوررۋپتسيامەن كۇرەسەمىز دەپ، ءبىز باستىسىن ۇمىتتىق – حالىقتىڭ ءۇنىن.
حالىق نە دەپ جاتىر؟ حالىق نەنى تالاپ ەتىپ جاتىر؟ مۇنىڭ ءبارىن ۇمىتتىق.
وتكەن عاسىرلاردا جازىلعان قاسىم حاننىڭ قاسقا جولىندا، ەسىم حاننىڭ ەسكى جولىندا، تاۋكە حاننىڭ جەتى جارعىسىندا، قازىرگى زامانداعى ەلىمىزدىڭ اتا زاڭىندا ەڭ قىمبات قازىنا – ول ادام.
سوندىقتان، ءاربىر ىستەگەن ءىسىمىز – حالىققا پايداسى بار ما، حالىق قاناعات پا، قۇپتاپ جاتىر ما دەگەن باعىتتا بولۋ كەرەك.
جۇمىسىمىزدىڭ ناتيجەسى تولىقتاي حالىقتىڭ الەۋمەتتىك، ەكونوميكالىق جاعدايىن جاقسارتۋعا باعىتتالۋ كەرەك.
كوررۋپتسيامەن كۇرەس مۇلدەم وزگەشە بولۋ كەرەك. ونى بۇگىن كورسەتتىك، تالقىلادىق. ەندى ىسكە كىرىسىپ تەز ارادا ناتيجە كورسەتەتىن بولايىق.
جۇمىس بىزدەن، تورەلىك حالىقتان بولسىن، ارىپتەستەر! نازارلارىڭىزعا راحمەت!
”ادىرنا” ۇلتتىق پورتالى
