Sybailas jemqorlyqqa qarsy ıs-qimyl agenttıgınıŋ Alqa otyrysynda Töraǧa O.A. Bektenovtyŋ baiandamasynyŋ qysqaşa mälımdemesı:
Sybailas jemqorlyqqa qarsy qyzmettıŋ aǧymdaǧy jylǧy bırınşı jartyjyldyǧyndaǧy jūmysyna elımızde bolyp jatqan oqiǧalar äser etkenı bärımızge mälım.
Tek «qaŋtar oqiǧasynyŋ» nätijesınde qūqyq qorǧau organdary qyzmetkerlerınıŋ tarapynan azaptau men ökılettıkterın asyra paidalanu faktılerı boiynşa Agenttık tergeuşılerınıŋ öndırısınde 360 qylmystyq ıs boldy.
Būl sanattaǧy ısterdıŋ sany ötken jyldarmen salystyrǧanda ekı ese artyq.
Qazırgı taŋda 170 ıs boiynşa tergeu jalǧasuda, 167-sı aiaqtaldy.
23 qylmystyq ıs ärı qarai tergeu üşın prokuraturaǧa joldandy.
Zaŋsyz şetelge şyǧarylǧan qarajat pen mülıktı elge qaitaru maqsatynda halyharalyq yntymaqtastyqty küşeitu kerek.
Şıldenıŋ 30-ynda Europa Keŋesınıŋ tarapynan Qazaqstanǧa europalyq Sybailas jemqorlyq üşın qylmystyq jauapkerşılık turaly Konvensiiaǧa qosylu jönınde resmi şaqyru haty keldı.
Endı Konvensiiaǧa qosylu üşın qajettı proseduralardy qolǧa alatyn bolamyz.
Būl konvensiia şetelden korrupsionerler men ūrlanǧan aktivterdı qaitaru jolyndaǧy mümkınşılıkterımızdı keŋeitedı.
Europa Keŋesınıŋ Korrupsiiaǧa qarsy memleketter tobynyŋ müşesı bolu - elımız üşın öte maŋyzdy qadam.
GREKO-nyŋ tolyqqandy qatysuşy retınde alǧaşqy montiringtık raundtar şeŋberınde bızge berılgen 27 ūsynymyn oryndau üstındemız.
Esterıŋızde bolar, aumaqtyq departamentterge lauazymdy tūlǧalardy jauapqa tartqany üşın ūpailar qalai berılgenı.
Şeneunıktıŋ därejesı neǧūrlym joǧary bolsa, soǧūrlym joǧary ūpai berılgen.
Būl oiǧa siiar emes!
Qūrmettı ärıptester!
Korrupsiiamen küresemız dep, bız bastysyn ūmyttyq – halyqtyŋ ünın.
Halyq ne dep jatyr? Halyq nenı talap etıp jatyr? Mūnyŋ bärın ūmyttyq.
Ötken ǧasyrlarda jazylǧan Qasym hannyŋ qasqa jolynda, Esım hannyŋ eskı jolynda, Täuke hannyŋ Jetı jarǧysynda, qazırgı zamandaǧy elımızdıŋ Ata Zaŋynda eŋ qymbat qazyna – ol adam.
Sondyqtan, ärbır ıstegen ısımız – halyqqa paidasy bar ma, halyq qanaǧat pa, qūptap jatyr ma degen baǧytta bolu kerek.
Jūmysymyzdyŋ nätijesı tolyqtai halyqtyŋ äleumettık, ekonomikalyq jaǧdaiyn jaqsartuǧa baǧyttalu kerek.
Korrupsiiamen küres müldem özgeşe bolu kerek. Ony bügın körsettık, talqyladyq. Endı ıske kırısıp tez arada nätije körsetetın bolaiyq.
Jūmys bızden, törelık halyqtan bolsyn, ärıptester! Nazarlaryŋyzǧa rahmet!
”Adyrna” ūlttyq portaly
