Sybaılas jemqorlyqqa qarsy is-qımyl agenttiginiń Alqa otyrysynda Tóraǵa O.A. Bektenovtyń baıandamasynyń qysqasha málimdemesi:
Sybaılas jemqorlyqqa qarsy qyzmettiń aǵymdaǵy jylǵy birinshi jartyjyldyǵyndaǵy jumysyna elimizde bolyp jatqan oqıǵalar áser etkeni bárimizge málim.
Tek «qańtar oqıǵasynyń» nátıjesinde quqyq qorǵaý organdary qyzmetkerleriniń tarapynan azaptaý men ókilettikterin asyra paıdalaný faktileri boıynsha Agenttik tergeýshileriniń óndirisinde 360 qylmystyq is boldy.
Bul sanattaǵy isterdiń sany ótken jyldarmen salystyrǵanda eki ese artyq.
Qazirgi tańda 170 is boıynsha tergeý jalǵasýda, 167-si aıaqtaldy.
23 qylmystyq is ári qaraı tergeý úshin prokýratýraǵa joldandy.
Zańsyz shetelge shyǵarylǵan qarajat pen múlikti elge qaıtarý maqsatynda halyharalyq yntymaqtastyqty kúsheıtý kerek.
Shildeniń 30-ynda Eýropa Keńesiniń tarapynan Qazaqstanǵa eýropalyq Sybaılas jemqorlyq úshin qylmystyq jaýapkershilik týraly Konvenııaǵa qosylý jóninde resmı shaqyrý haty keldi.
Endi Konvenııaǵa qosylý úshin qajetti proedýralardy qolǵa alatyn bolamyz.
Bul konvenııa shetelden korrýpıonerler men urlanǵan aktıvterdi qaıtarý jolyndaǵy múmkinshilikterimizdi keńeıtedi.
Eýropa Keńesiniń Korrýpııaǵa qarsy memleketter tobynyń múshesi bolý - elimiz úshin óte mańyzdy qadam.
GREKO-nyń tolyqqandy qatysýshy retinde alǵashqy montırıngtik raýndtar sheńberinde bizge berilgen 27 usynymyn oryndaý ústindemiz.
Esterińizde bolar, aýmaqtyq departamentterge laýazymdy tulǵalardy jaýapqa tartqany úshin upaılar qalaı berilgeni.
Sheneýniktiń dárejesi neǵurlym joǵary bolsa, soǵurlym joǵary upaı berilgen.
Bul oıǵa sııar emes!
Qurmetti áriptester!
Korrýpııamen kúresemiz dep, biz bastysyn umyttyq – halyqtyń únin.
Halyq ne dep jatyr? Halyq neni talap etip jatyr? Munyń bárin umyttyq.
Ótken ǵasyrlarda jazylǵan Qasym hannyń qasqa jolynda, Esim hannyń eski jolynda, Táýke hannyń Jeti jarǵysynda, qazirgi zamandaǵy elimizdiń Ata Zańynda eń qymbat qazyna – ol adam.
Sondyqtan, árbir istegen isimiz – halyqqa paıdasy bar ma, halyq qanaǵat pa, quptap jatyr ma degen baǵytta bolý kerek.
Jumysymyzdyń nátıjesi tolyqtaı halyqtyń áleýmettik, ekonomıkalyq jaǵdaıyn jaqsartýǵa baǵyttalý kerek.
Korrýpııamen kúres múldem ózgeshe bolý kerek. Ony búgin kórsettik, talqyladyq. Endi iske kirisip tez arada nátıje kórsetetin bolaıyq.
Jumys bizden, tórelik halyqtan bolsyn, áriptester! Nazarlaryńyzǵa rahmet!
”Adyrna” ulttyq portaly
