باستى بەت
جاڭالىقتار
توقاەۆ قازاقستاندىقتاردى قۇربان ايت كۇنىمەن قۇتتىقتادى

توقاەۆ قازاقستاندىقتاردى قۇربان ايت كۇنىمەن قۇتتىقتادى

09.07.2022

3391

https://adyrna.kz/content/uploads/2022/07/7f0e4896-0bb6-4162-85db-847cfb8d8d92.jpeg

قاسىم-جومارت توقاەۆ قازاقستاندىقتاردى قۇربان ايت مەرەكەسىمەن قۇتتىقتادى، - دەپ حابارلايدى ”ادىرنا” ۇلتتىق پورتالى اقورداعا سىلتەمە جاساپ."سىزدەردى كۇللى مۇسىلمان قاۋىمى ءۇشىن قاسيەتتى قۇربان ايت مەرەكەسىمەن شىن جۇرەكتەن قۇتتىقتايمىن!بۇل – يماندىلىق پەن ادامگەرشىلىكتىڭ، مەيىرىمدىلىك پەن جاناشىرلىقتىڭ مەيرامى. مۇسىلماندار وسى كۇندەردە مۇقتاج جاندارعا كومەكتەسىپ، قامقورلىق كورسەتەدى. ءبىر-بىرىنە ىزگى تىلەكتەرىن ايتىپ، جاقسىلىق جاساۋعا ۇمتىلادى.

قۇربان ايت مەيرامى ەلىمىزدە رۋحاني قۇندىلىقتاردى بەرىك ورنىقتىرىپ، قوعامداعى تاتۋلىق پەن تۇراقتىلىقتى ساقتاۋ جولىندا ەرەكشە ءرول اتقارادى.
بۇل مەرەكە قازاقستاندا تۇراتىن ءتۇرلى ەتنوس جانە كونفەسسيا وكىلدەرىنىڭ ءوزارا سىيلاستىعى مەن قۇرمەتىن ارتتىرىپ، دوستىعىن نىعايتا تۇسەدى. حالىقتى بەرەكە-بىرلىككە شاقىرىپ، ىرىس-ىنتىماعىن ەسەلەيدى. بەيبىتشىلىك پەن ىزگىلىكتىڭ باستاۋى بولعان اتا ءدىنىمىزدىڭ باستى ءمانى – وسىندا. بۇگىنگى ۇلىق مەيرامدا شالعان قۇرباندىقتارىڭىز بەن تىلەگەن دۇعا-تىلەكتەرىڭىز قابىل بولسىن! بارشاڭىزعا زور دەنساۋلىق، باق-بەرەكە تىلەيمىن!", - دەلىنگەن قۇتتىقتاۋدا.“ادىرنا” ۇلتتىق پورتالى