جامبىل وبلىسى اكىمىنىڭ كەڭەسشىسى جاندوس بايىرحانوۆ سپورت تورەشىلەرى مەن ۆولەيبول فەدەراتسياسىنىڭ باس حاتشىسى سىرلىباەۆ ەرمەكتى ەل الدىندا بالاعاتتاپ، قورقىتقان. بۇل 13 ساۋىردە تاراز قالاسىندا ۆولەيبولدان ۇلتتىق ليگانىڭ ەرلەر كوماندالارى اراسىندا ءوتىپ جاتقان 30-شى ەل چەمپيوناتىندا بولعان وقيعا.
بايىرحانوۆ سۋديالاردىڭ شەشىمىنە نارازى بولدى. وسىعان بايلانىستى ول كوپشىلىك الدىندا بالاعات سوزدەر ايتىپ، سىرلىباەۆتى:
«ەگەر سەن وسىلاي ۇكىم شىعارا بەرسەڭ، ءبارىڭدى وسىندا جەرلەيمىن، بۇل جەردەن كەتپەيسىڭدەر» دەپ قورقىتقان.سوت قىلمىستىق ءىس قوزعادى. جاندوس بايىرحانوۆقا «قارالاۋ» بابى بويىنشا ايىپ تاعىلدى. ءىس سوتقا دەيىنگى تەرگەپ-تەكسەرۋ ماسەلەسىن شەشۋ ءۇشىن تاراز قالاسىنىڭ پروكۋرورىنا جولداندى. ەندىگى جەردە لاۋازىمدى تۇلعانىڭ ارەكەتىندە بۇزاقىلىق بابى بويىنشا قىلمىستىق قۇقىق بۇزۋشىلىق بەلگىلەرىنىڭ بار-جوعى تەكسەرىلەتىن بولادى.
”ادىرنا” ۇلتتىق پورتالى
ۇقساس جاڭالىقتار
