جامبىل وبلىسىندا 15 جاستاعى كامەلەتكە تولماعان قىز ءسابيىن دۇنيەگە اكەلدى، دەپ حابارلايدى "ادىرنا" ۇلتتىق پورتالى Todayinfo.kz-كە سىلتەپ.
بۇل وقيعاعا قاتىستى بۇرىنعى ۇلتتىق ۇلاننىڭ قاتارداعى جاۋىنگەرى كۇدىككە ءىلىنىپ وتىر.
وبلىستىق پوليتسيا دەپارتامەنتىنىڭ مالىمەتىنشە، زاڭبۇزۋشىلىق وڭىردەگى وقۋ ورىندارىنىڭ بىرىندە جۇرگىزىلگەن پروفيلاكتيكالىق ءىس-شارا كەزىندە انىقتالعان. اقپارات بەلگىلى بولعاننان كەيىن تەكسەرىس جۇرگىزىلىپ، قىلمىستىق كودەكستىڭ «16 جاسقا تولماعان تۇلعامەن جىنىستىق قاتىناسقا ءتۇسۋ» بابى بويىنشا قىلمىستىق ءىس قوزعالدى.
قازىرگى تاڭدا كۇدىكتى — ۇلتتىق ۇلاننىڭ بۇرىنعى جاۋىنگەرى. تەرگەۋ باستالعان. الايدا ونىڭ قاماۋعا الىنعانى نەمەسە بوستاندىقتا جۇرگەنى ازىرگە ناقتىلانباعان.
تەرگەۋ امالدارى جالعاسىپ جاتىر.
ۇقساس جاڭالىقتار
