الەۋمەتتىك جەلىلەردە قۇندىز ەسىمدى قىزدىڭ قولى مەن اياعى بايلانعان، اۋزى سكوچپەن جابىلعان فوتوسۋرەتتەرى تارالىپ جاتىر. بەينەدە تارازدا ارنايى قامقورشىلاردىڭ قولىندا تۇرىپ جاتقان اپكەلى-ءسىڭلىلى قىزداردىڭ بىرەۋى قۇندىز ەكەنىن كورۋگە بولادى، دەپ حابارلايدى "ادىرنا".
جۋرناليست رۋسلان وتەپباي اتالعان جاعدايعا الاڭداۋشىلىق ءبىلدىرىپ، جامبىل وبلىسىنىڭ پوليتسياسىنان جەدەل تۇردە ارەكەت ەتۋدى تالاپ ەتتى.
ءجۋرناليستىڭ ايتۋىنشا، ول وقيعانىڭ ءمان-جايىن انىقتاۋ ءۇشىن قۇندىزدىڭ قامقورشىسى زۇلفيامەن بايلانىسقا شىعادى. الايدا قامقورشىنىڭ بەرگەن تۇسىندىرمەسى كۇمان تۋدىرعان.
«مەن بايلانىسقا شىقتىم، بىراق ايتقاندارى ءبىر-بىرىنە ساي كەلمەيدى. “مەن بايلاعان جوقپىن” دەپ اقتالىپ وتىر. بۇعان سەنبەيمىن»، – دەدى رۋسلان وتەپباي.
ول تاراز قالاسىنىڭ قورعانشىلىق جانە قامقورشىلىق ورگاندارىن، سونداي-اق قالالىق پوليتسيا دەپارتامەنتىن بۇل جاعدايدى نازارعا الىپ، جان-جاقتى تەكسەرۋگە شاقىردى.
«اتالعان بەينەجازبا شۇعىل نازارعا الىنىپ، پوليتسيا بولىمىنە تىركەلدى. قازىرگى ۋاقىتتا پوليتسيا قىزمەتكەرلەرىمەن بارلىق ءمان-جايدى جان-جاقتى ءارى مۇقيات انىقتاۋعا باعىتتالعان قاجەتتى تەكسەرۋ جۇمىستارى جۇرگىزىلۋدە»، دەپ جاۋاپ بەردى جامبىل وبلىسىنىڭ پوليتسياسى.
سونداي-اق، جۋرناليست ەرتەڭ تاراز قالاسىنا ءوزى بارۋدى جوسپارلاپ وتىرعانىن مالىمدەدى.
