Äleumettık jelılerde Qūndyz esımdı qyzdyŋ qoly men aiaǧy bailanǧan, auzy skochpen jabylǧan fotosuretterı taralyp jatyr. Beinede Tarazda arnaiy qamqorşylardyŋ qolynda tūryp jatqan äpkelı-sıŋlılı qyzdardyŋ bıreuı Qūndyz ekenın köruge bolady, dep habarlaidy "Adyrna".
Jurnalist Ruslan Ötepbai atalǧan jaǧdaiǧa alaŋdauşylyq bıldırıp, Jambyl oblysynyŋ polisiiasynan jedel türde äreket etudı talap ettı.
Jurnalistıŋ aituynşa, ol oqiǧanyŋ män-jaiyn anyqtau üşın Qūndyzdyŋ qamqorşysy Zülfiiamen bailanysqa şyǧady. Alaida qamqorşynyŋ bergen tüsındırmesı kümän tudyrǧan.
«Men bailanysqa şyqtym, bıraq aitqandary bır-bırıne sai kelmeidı. “Men bailaǧan joqpyn” dep aqtalyp otyr. Būǧan senbeimın», – dedı Ruslan Ötepbai.
Ol Taraz qalasynyŋ qorǧanşylyq jäne qamqorşylyq organdaryn, sondai-aq qalalyq polisiia departamentın būl jaǧdaidy nazarǧa alyp, jan-jaqty tekseruge şaqyrdy.
«Atalǧan beinejazba şūǧyl nazarǧa alynyp, polisiia bölımıne tırkeldı. Qazırgı uaqytta polisiia qyzmetkerlerımen barlyq män-jaidy jan-jaqty ärı mūqiiat anyqtauǧa baǧyttalǧan qajettı tekseru jūmystary jürgızılude», dep jauap berdı Jambyl oblysynyŋ polisiiasy.
Sondai-aq, jurnalist erteŋ Taraz qalasyna özı barudy josparlap otyrǧanyn mälımdedı.
