Jambyl oblysynda jantürşıgerlık jol apaty bolyp, segız adam qaza tapty. Būl turaly Polisiia departamentı jariialady, dep habarlaidy ”Adyrna” ūlttyq portaly.
Aqparatqa säikes, oqiǧa 16 qyrküiek künı keşkı uaqytta bolǧan. Jol talǧamaityn kölık jürgızuşısı qarsy jolaqqa şyǧyp ketıp, jük kölıgı men şaǧyn avtobusqa soqtyǧysqan.
«16 qyrküiek künı saǧat 18:30 şamasynda "Batys Europa – Batys Qytai" respublikalyq jolynyŋ 526-şaqyrymynda jol-kölık oqiǧasy boldy. Cadillac Escalade jürgızuşısı aldynda kele jatqan kölıktı basyp ozamyn dep, qarsy jolaqqa şyǧyp ketken. Sosyn, DAF jük kölıgımen soqtyǧysqan. Sodan keiın Cadillac Escalade kölıgı öz jolaǧyna qaita şyǧyp, Gazel kölıgımen soqtyǧysqan. Saldarynan ekı kölık örtendı», – delıngen oblystyq Polisiia departamentınıŋ habarlamasynda.
Apat saldarynan ekı jürgızuşı men bes jolauşy, onyŋ ışınde ekı jasar bala oqiǧa ornynda köz jūmdy. Atalǧan faktı boiynşa sotqa deiıngı tergeu bastaldy.
