Ukrainada "Şeteldık legion" qūramynda şaiqasqan etnikalyq qazaq Marlen Moldyraiym qaza boldy. Būl turaly Harkov oblysyndaǧy qazaq diasporasynyŋ jetekşısı Makka Karajanova jariialady, dep habarlaidy "Adyrna".
Karajanovanyŋ aituynşa, Marlenmen soŋǧy aptalarda bailanys bolmaǧan. Tuystary men tanystary ony taba almai jürgen. Legionnyŋ ışkı erejelerıne bailanysty äskeri qūrylym oǧan qatysty aqparatty tarata almaǧan.
Marlen Moldyraiym 2025 jyldyŋ 13 qaraşasynda, soǧysta jürgen kezde qaza tapty. Ol Ukrainaǧa öz erkımen, jeke ūstanymy men ädıldıkke degen senımınıŋ jeteleuımen kelgen. Qazaqstan azamattyǧynan erterek şyqqanymen, basqa eldıŋ azamaty bolsa da, küreske degen şeşımı özgermegen.
Marlendı tanyǧandardyŋ aituynşa, ol bırneşe tıldı meŋgergen, käsıpkerlıkpen ainalysqan, zaŋgerlık bılımı bar, intellektual tūlǧa bolǧan. Jaqyndary men ärıptesterı ony parasatty, adal jäne jauapkerşılıgı joǧary adam retınde sipattaidy.
Şeteldık legion jauyngerlerı Marlendı «Ukrainada erıktı bolyp qyzmet etken bızdıŋ qazaqstandyq bauyrymyz» dep qūrmetpen eske aldy.
Ukrainada erıktı qazaq jauyngerı qaza tapty
21.11.2025
855
Ūqsas jaŋalyqtar
Pıkırler
