Jambyl oblysy ákiminiń keńesshisi Jandos Baıyrhanov sport tóreshileri men voleıbol federaııasynyń bas hatshysy Syrlybaev Ermekti el aldynda balaǵattap, qorqytqan. Bul 13 sáýirde Taraz qalasynda voleıboldan Ulttyq lıganyń erler komandalary arasynda ótip jatqan 30-shy el chempıonatynda bolǵan oqıǵa.
Baıyrhanov sýdıalardyń sheshimine narazy boldy. Osyǵan baılanysty ol kópshilik aldynda balaǵat sózder aıtyp, Syrlybaevty:
«Eger sen osylaı úkim shyǵara berseń, bárińdi osynda jerleımin, bul jerden ketpeısińder» dep qorqytqan.
Sot qylmystyq is qozǵady. Jandos Baıyrhanovqa «qaralaý» baby boıynsha aıyp taǵyldy. Is sotqa deıingi tergep-tekserý máselesin sheshý úshin Taraz qalasynyń prokýroryna joldandy. Endigi jerde laýazymdy tulǵanyń áreketinde buzaqylyq baby boıynsha qylmystyq quqyq buzýshylyq belgileriniń bar-joǵy tekseriletin bolady.
”Adyrna” ulttyq portaly
