سوڭعى ۋاقىتتا اباي اتىنداعى قازۇپۋ-دىڭ جالعان ديپلومدارىن انىقتاۋ جاعدايلارى جيىلەپ كەتتى. ۋنيۆەرسيتەت باسشىلىعى ءبىتىرۋشى تۇلەك ءبىلىم بەرۋ باعدارلاماسىن تولىق كولەمدە مەڭگەرگەننەن كەيىن جانە قورىتىندى اتتەستاتتاۋدى ءساتتى تاپسىرعاننان كەيىن ديپلوم بەرۋدى قاتاڭ باقىلاي وتىرىپ قازاقستان رەسپۋبليكاسىنىڭ زاڭناماسىنا سايكەس جۇزەگە اسىراتىنىن جاۋاپكەرشىلىكپەن مالىمدەيدى، دەپ حابارلايدى “ادىرنا” ۇلتتىق پورتالى.
ايتا كەتەيىك، سارقان، قاراساي، كوكسۋ، ەسكەلدى اۋداندارى مەن تەكەلى قالاسىنىڭ ورتا مەكتەپتەرىندە 122 مۇعالىمنىڭ جالعان ديپلوممەن جۇمىس ىستەپ كەلگەندەرى انىقتالعان ەدى. جالعان ديپلوم اباي اتىنداعى قازاق ۇلتتىق پەداگوگيكالىق ۋنيۆەرسيتەتتىڭ اتىمەن جاسالعان بولاتىن.
وسىنىڭ الدىن-الۋ ءۇشىن، 2021 جىلدان باستاپ اباي اتىنداعى قازۇپۋ جىل سايىن ۋنيۆەرسيتەتتىڭ ديرەكتورلار كەڭەسىمەن بەكىتىلەتىن وزىندىك ۇلگىسىندەگى ديپلومداردى بەرەدى. ءبىلىم تۋرالى وزىندىك ۇلگىدەگى قۇجاتتاردا قورعانىش بەلگىلەرى جانە QR كودى بولادى.
وتكەن جىلى اباي اتىنداعى قازۇپۋ بىرقاتار تۇلعالاردىڭ وتىنىشەرى بويىنشا جالعان ديپلومدار انىقتالعان جاعدايلاردى تەكسەرۋگە باستاماشىلىق جاساپ، ءتيىستى ورگاندارعا جۇگىنگەن بولاتىن.
«ادىرنا» ۇلتتىق پورتالى
