Sońǵy ýaqytta Abaı atyndaǵy QazUPÝ-dyń jalǵan dıplomdaryn anyqtaý jaǵdaılary jıilep ketti. Ýnıversıtet basshylyǵy bitirýshi túlek bilim berý baǵdarlamasyn tolyq kólemde meńgergennen keıin jáne qorytyndy attestattaýdy sátti tapsyrǵannan keıin dıplom berýdi qatań baqylaı otyryp Qazaqstan Respýblıkasynyń zańnamasyna sáıkes júzege asyratynyn jaýapkershilikpen málimdeıdi, dep habarlaıdy “Adyrna” ulttyq portaly.
Aıta keteıik, Sarqan, Qarasaı, Kóksý, Eskeldi aýdandary men Tekeli qalasynyń orta mektepterinde 122 muǵalimniń jalǵan dıplommen jumys istep kelgenderi anyqtalǵan edi. Jalǵan dıplom Abaı atyndaǵy Qazaq ulttyq pedagogıkalyq ýnıversıtettiń atymen jasalǵan bolatyn.
Osynyń aldyn-alý úshin, 2021 jyldan bastap Abaı atyndaǵy QazUPÝ jyl saıyn ýnıversıtettiń Dırektorlar keńesimen bekitiletin ózindik úlgisindegi dıplomdardy beredi. Bilim týraly ózindik úlgidegi qujattarda qorǵanysh belgileri jáne QR kody bolady.
Ótken jyly Abaı atyndaǵy QazUPÝ birqatar tulǵalardyń ótinisheri boıynsha jalǵan dıplomdar anyqtalǵan jaǵdaılardy tekserýge bastamashylyq jasap, tıisti organdarǵa júgingen bolatyn.
«Adyrna» ulttyq portaly
