قارجى مونيتورينگى اگەنتتىگى «AV Construction» جشس قۇرىلتايشىلارى مەن الماس ابدىعاپپاروۆتىڭ جيەنى راۋان باباەۆتى دا ۇستادى، ول جەتى جىلعا سوتتالدى، دەپ جازادى "ادىرنا".
2022 جىلدىڭ 14 شىلدەسىندە قارجى اگەنتتىگى رەيدەرلىك باسىپ الۋمەن اينالىسقان ۇيىمداسقان قىلمىستىق توپتىڭ قىزمەتىن توقتاتتى. قىلمىستىق ارەكەت ەپيزودتارىنىڭ ءبىرى بويىنشا («AV Construction» جشس-ءىن باسىپ الۋ) ءتورت ادامنان تۇراتىن توپ ۇستالىپ، 2 ايعا ۋاقىتشا ۇستاۋ يزولياتورىنا قامالدى.
اڭگىمە ەليتالىق LCD Esentai City قۇرىلىسىن جۇرگىزگەن «AV Construction» جشس-ءنىڭ قۇرىلتايشىلارى رەتىندە كورسەتىلگەن تيمۋر تاناشەۆ، داستان ءابىجانوۆ تۋرالى بولىپ وتىر. سونداي-اق سوتتالعان كاسىپكەر الماس ابدىعاپپاروۆتىڭ نەمەرە ءىنىسى، «AV Construction» جشس ديرەكتورى راۋان باباەۆ تا ۇستالدى. ۇستالعان تاعى ءبىر ازامات – اڭسار التىنباساروۆ.
كۇدىكتىلەر ەلدوس قوسپاەۆتىڭ اعاسى ايدوس قوسپاەۆ پەن رۋسلان شالين.
ولاردان بولەك بولات نازارباەۆتىڭ وڭ قولى ەلدوس قوسپاەۆقا ىزدەۋ جاريالانعان بولاتىن.
بىزگە بەلگىلى بولعانداي، قوسپاەۆ ءساۋىر ايىندا قازاقستاننان شىعىپ، ورالماعان. بۇل باستى كۇدىكتى بولىپ تابىلاتىن رەيدەرلىك جانە بوپسالاۋ بويىنشا قارجى اگەنتتىگى قىلمىستىق ىسىنە قاتىستى بولۋى مۇمكىن. 20 شىلدەدە الماتى سوتى پروكۋراتۋرانىڭ ۇسىنىسى بويىنشا ونى قاماۋعا الۋ تۋرالى سانكتسيا بەردى. اقپارات راستالدى، 21 شىلدەدە قارجى اگەنتتىگى ونى ىزدەۋگە جاريالادى.
