مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسى بويىنشا «قازاقستان حالقىنا» قوعامدىق الەۋمەتتىك قورى (قاق) قۇرىلعان بولاتىن. الايدا قازىرگى تاڭدا ءدال وسى قوردىڭ اتقارىلىپ جاتقان جۇمىسى مەن جۇمسالعان قارجىسى تۋرالى قاۋەسەت كوپ. “ادىرنا” ءتىلشىسى “Basqaru” قوعامدىق قورىنىڭ توراعاسى مارعۇلان ەرماعانبەتۇلىنىڭ پىكىرىن ءبىلدى.
-قورعا بولىنگەن قاراجات دۇرىس جۇمسالىپ جاتىر ما؟ ءورىستىلدى قور قۇرىلتايشىلارى مەن قىزمەتكەرلەرى قازاق ءتىلدى ورتامەن جۇمىس ىستەۋگە قۇلىقتى ما؟
-شىندىعىندا قور تۋرالى تولىق اقپارات جوق، ياعني تەرەڭ زەرتتەگەنىم جوق.
دەگەنمەن ءتىل ماسەلەسىندە باسشى قانداي ءتىلدى بولسا سايكەسىنشە وزىنە ىڭعايلى ءتىلدى جۇمىس ءتىلى ەتەدى.
مىسالعا بولات جامىشەۆ ورىس ءتىلدى. ونىڭ جۇمىس ءتىلى ورىس ءتىلى. ال قۇرىلتايشىلاردى ورىس ءتىلدى ورتا قالىپتاستىرعان سياقتى. نەگىزى قارجىنى جاراتۋ ءتىلدىڭ قاتىسى جوق شىعار، مىسالعا ول ەل ازاماتتارىنا، ولاردىڭ قاجەتتىلىكتەرىنە جۇمسالادى.
دەگەنمەن ءتىلدىڭ دۇنيەتانىمعا اسەر ەتەتىنى بەلگىلى، ال دۇنيەتانىم شەشىم قابىلداۋعا اسەر ەتەدى. مىسالعا ورىس ءتىلدى كەيبىر ازامات قازاق ءتىلدى ورتانىڭ مىقتى ورتاعا، پىكىر قالىپتاستىرۋشى ورتاعا اينالماۋىن تىلەيدى.
قازاق ءتىلدى ورتانىڭ مىقتى بولۋى ول قازاق تىلىنە سۇرانىستىڭ ارتۋىنا اسەر ەتەدى. ال ولار بۇل وزگەرىستەرگە قارسى.
سول سەبەپتەن قازاق ءتىلدى ورتانى قالاي دا شەكتەپ وتىرۋعا تىرىسادى. مىسالعا كوميسسيا مۇشەلەرى قانداستاردىڭ مۇن مۇقتاجدارىن پروبلەمالارىن شەشۋگە قارسىلىق جاساۋعا قادام جاساپ وتىرۋى مۇمكىن.
ويتكەنى قانداستار قازاق ءتىلىنىڭ دامۋىنىڭ نەگىزگى تىرەكتەرىنىڭ ءبىرى.
ەستەرىڭىزگە سالا كەتسەك، قور كەلەسىدەي مىندەتتەردى ورىندايدى:
- قازاقستان رەسپۋبليكاسىنىڭ حالقىنا دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ، مادەنيەت جانە سپورت سالالارىندا مەملەكەتتىك قولداۋ شارالارىنان تىس قوسىمشا قامتاماسىز ەتۋ ماسەلەلەرى بويىنشا قايىرىمدىلىق كومەك كورسەتۋ;
- توتەنشە جاعدايلار كەزىندە جانە توتەنشە جاعداي رەجيمىن ەنگىزۋ كەزىندە قازاقستان رەسپۋبليكاسىنىڭ زارداپ شەككەن حالقىنا كومەك كورسەتۋ;
- حالىقتىڭ الەۋمەتتىك وسال توپتارى جانە وسال توپ بالالارىنا سپورتتىق ينفراقۇرىلىمنىڭ دامۋى جانە قولجەتىمدىلىگىن ارتتىرۋ بويىنشا جاردەمدەسۋ;
- قازاقستان رەسپۋبليكاسىنىڭ اۋماقتىق تۇتاستىعى مەن قاۋىپسىزدىگىن قورعاۋ كەزىندە قازا تاپقان قۇقىق قورعاۋ ورگاندارى، ارنايى ورگاندار قىزمەتكەرلەرىنىڭ، اسكەري قىزمەتشىلەردىڭ وتباسىلارىنا جانە باسقا دا كومەككە مۇقتاج جاندارعا قول ۇشىن سوزۋ، قولداۋ;
- قور قىزمەتىنىڭ باسقا باعىتتارى بويىنشا قايىرىمدىلىق كومەك كورسەتۋ.
ءىنجۋ ومىرزاق،
”ادىرنا” ۇلتتىق پورتالى
