Memleket basşysy Qasym-Jomart Kemelūly Toqaevtyŋ tapsyrmasy boiynşa «Qazaqstan halqyna» qoǧamdyq äleumettık qory (QÄQ) qūrylǧan bolatyn. Alaida qazırgı taŋda däl osy qordyŋ atqarylyp jatqan jūmysy men jūmsalǧan qarjysy turaly qaueset köp. “Adyrna” tılşısı “Basqaru” qoǧamdyq qorynyŋ töraǧasy Marǧūlan Ermaǧanbetūlynyŋ pıkırın bıldı.
-Qorǧa bölıngen qarajat dūrys jūmsalyp jatyr ma? Orystıldı qor qūryltaişylary men qyzmetkerlerı qazaq tıldı ortamen jūmys ısteuge qūlyqty ma?
-Şyndyǧynda qor turaly tolyq aqparat joq, iaǧni tereŋ zerttegenım joq.
Degenmen tıl mäselesınde basşy qandai tıldı bolsa säikesınşe özıne yŋǧaily tıldı jūmys tılı etedı.
Mysalǧa Bolat Jämışev orys tıldı. Onyŋ jūmys tılı orys tılı. Al qūryltaişylardy orys tıldı orta qalyptastyrǧan siiaqty. Negızı qarjyny jaratu tıldıŋ qatysy joq şyǧar, mysalǧa ol el azamattaryna, olardyŋ qajettılıkterıne jūmsalady.
Degenmen tıldıŋ dünietanymǧa äser etetını belgılı, al dünietanym şeşım qabyldauǧa äser etedı. Mysalǧa orys tıldı keibır azamat qazaq tıldı ortanyŋ myqty ortaǧa, pıkır qalyptastyruşy ortaǧa ainalmauyn tıleidı.
Qazaq tıldı ortanyŋ myqty boluy ol qazaq tılıne sūranystyŋ artuyna äser etedı. Al olar būl özgerısterge qarsy.
Sol sebepten qazaq tıldı ortany qalai da şektep otyruǧa tyrysady. Mysalǧa komissiia müşelerı qandastardyŋ mūn mūqtajdaryn problemalaryn şeşuge qarsylyq jasauǧa qadam jasap otyruy mümkın.
Öitkenı qandastar qazaq tılınıŋ damuynyŋ negızgı tırekterınıŋ bırı.
Esterıŋızge sala ketsek, qor kelesıdei mındetterdı oryndaidy:
- Qazaqstan Respublikasynyŋ halqyna densaulyq saqtau, bılım beru jäne äleumettık qoldau, mädeniet jäne sport salalarynda memlekettık qoldau şaralarynan tys qosymşa qamtamasyz etu mäselelerı boiynşa qaiyrymdylyq kömek körsetu;
- tötenşe jaǧdailar kezınde jäne tötenşe jaǧdai rejimın engızu kezınde Qazaqstan Respublikasynyŋ zardap şekken halqyna kömek körsetu;
- halyqtyŋ äleumettık osal toptary jäne osal top balalaryna sporttyq infraqūrylymnyŋ damuy jäne qoljetımdılıgın arttyru boiynşa järdemdesu;
- Qazaqstan Respublikasynyŋ aumaqtyq tūtastyǧy men qauıpsızdıgın qorǧau kezınde qaza tapqan qūqyq qorǧau organdary, arnaiy organdar qyzmetkerlerınıŋ, äskeri qyzmetşılerdıŋ otbasylaryna jäne basqa da kömekke mūqtaj jandarǧa qol ūşyn sozu, qoldau;
- Qor qyzmetınıŋ basqa baǧyttary boiynşa qaiyrymdylyq kömek körsetu.
Inju ÖMIRZAQ,
”Adyrna” ūlttyq portaly
