قاڭتار قىرعىنى كەزىندە ۇستالعانداردى ازاپتاعان پوليتسيا قىزمەتكەرىنىڭ سۋرەتى پايدا بولدى. بۇل تۋرالى «دەمپارتيا» بەلسەندىسى ابزال دوستياروۆ ءوز facebook پاراقشاسىنا جاريالادى دەپ حابارلايدى “ادىرنا” ۇلتتىق پورتالى.
شۇعىل !!!
داۋرەن دوستيار دى ازاپتاعان پوليتسيالاردىڭ ءبىرىنىڭ اتى-ءجونى،بەت-بەينەسى بەلگىلى بولدى!
مىنا ادامنىڭ اتى-ءجونى ايان ەلەۋبەكوۆ.
وسىدان تۋرا 1 جىل بۇرىن الماتى پوليتسيا دەپارتامەنتىنىڭ استىنداعى ۋاقىتشى ۇستاۋ يزولياتورىندا قاماۋدا وتىردىم،مىنا ايان ەلەۋبەكوۆ دەگەن كەزەكشى ءبولىم باستىعى سول مەن قاماۋدا وتىرعان 20 تاۋلىك ىشىندە 4 رەت ماعان سوقتىقتى،1-ءشى رەت مەنى ۇرىپ-سوعىپ اپارعاندا وسى قابىلداپ الدى،مەن ەلەۋبەكوۆكە 4-ءشى اۋرۋحانادان بەرىلگەن ميىمنىڭ شايقالعانى تۋرالى قاعازدى كورسەتىپ جانە دارىگەر جازىپ بەرگەن دارىلەردى سۇرادىم،سول كەزدە ول مەنىڭ اۋىرىپ تۇرعانىما،كيىمدەرىمنىڭ جىرتىلىپ،قان بولىپ تۇرعانىما قاراماستان:
”دوستياروۆ سەن ساعاتقا قاراساي،تۇنگى ساعات 12 دە مەن ساعان قايدان ءدارى تاۋىپ بەرەم”- دەپ مازاق قىلعانداي كۇلدى،ايەلىمە قوڭىراۋ شالىپ قايدا ەكەنىمدى ەسكەرتەيىن دەگەن وتىنىشىمە دە كەكەسىنمەن جاۋاپ بەرىپ ورىندامادى،كەيىن بىلسەم ول جەردە تاۋلىك بويى جۇمىس ىستەيتىن مەدبيكە بار ەكەن،جانە ءدارى دە بار ەكەن،2-ءشى رەت مەن اشتىق جاريالاعان 8 كۇن ىشىندە مەنىڭ كامەرالاستارىما:”ابزالعا جاندارىڭ اشىعان بولىپ تاماق بەرىڭدەر،ءبىز ءتۇسىرىپ الايىق”-دەپ ۇگىتتەگەن،بىراق كامەرالاس جىگىتتەر ماعان ايتىپ كەلدى،ال 3-ءشى رەت 25-ءشى شىلدە كۇنى تاڭەرتەڭ اۋىسىم كەزىندە مەنىڭ توسەگىمدەگى قاعازدارداردى اقتارىپ،وزدەرى كىرگىزگەن مەنىڭ ۇيىمنەن كەلگەن ىدىستاردى الىپ كەتىپ،ودان سوڭ توبەلەسەيىك دەپ مەنى ارانداتپاق بولدى،ءدال سول كۇنى ۇيدەن ساعات 12دە جۇبايىم اكەلگەن ىستىق تاماقتى ساعات 15:00گە دەيىن ماعان بەرمەي وتىرىپ،مەن:”بۇگىن ۇيدەن تاماق كەلگەن جوقپا”-دەپ كەزەكشى ارقىلى سۇراعان سوڭ عانا مەنى شاقىرىپ الىپ،باسقا قىزمەتكەرلەردىڭ كوزىنشە:”مەنىمەن توبەلەسپەسەڭ تاماق بەرمەيمىن”-دەپ قوقان-لوققى جاساعان بولاتىن،كەيىن ساعات 15:40 شاماسىندا تاماقتى بەرگەنىمەن جۇبايىمنىڭ جازعان حاتىن بەرمەي قويعان،سول كۇنى كەشكە جەدەل-جاردەم كەلىپ مەنىڭ دەنساۋلىعىمدى تەكسەرىپ وتىرعاندا عانا جۇگىرىپ كەلىپ حاتتى قولىما ۇستاتىپ كەتتى.
كەلەسى كۇنى ادۆوكات جانارا بالگاباەۆا كەلگەندە بولعان جايتتى ايتىپ ارىز جازىپ بەردىم،كەزەكشى پروكۋروردا،وزىندىك قاۋىپسىزدىك باسقارماسى قىزمەتكەرلەرى دە ارىزىم بويىنشا تەرگەۋ جۇرگىزبەدى،كەرىسىنشە وسى ايان ەلەۋبەكوۆ مەنى تاعى دا شاقىرىپ الىپ،قاماۋعا الىنعانداردى شەشىندىرىپ تەكسەرەتىن بەينەكامەراسى جوق بولمەگە كىرگىزىپ:”ابزال سەن ارىزدانىپسىڭ عوي،ەندى شارۋاڭ ءبىتتى،ۆولياعا(ەركىندىككە)شىققاننان كەيىن تاۋىپ الامىز”-دەپ قورقىتپاق بولدى.
بۇل جاعدايلاردىڭ ءبارىن يزولياتور باسشىسى،پودپولكوۆنيك دارحان مۇحيتقا ايتقانىمدا ول ەشقانداي شارا قولدانبادى،ادۆوكاتىما ايتقىزباۋعا تىرىستى.
مىنە اعايىن،ءبىر جىل بويى سۋرەتىن تاپپاي ءجۇر ەدىم،ەندى كەشە “قاڭتار قىرعىنى”كەزىندە ازاپتاۋدان قايتىس بولعاندارعا قاتىستى 11 پوليتسيا قىزمەتكەرلەرى تەرگەۋگە الىنىپتى،سولاردىڭ ىشىندە كەزەكشى ءبولىم باستىعى،كەۋدەسىنە نان پىسكەن ايان ەلەۋبەكوۆ بار،مەنىڭ ءىنىم داۋرەن دوستياردى 6-شى قاڭتار كۇنى جەتىسۋ اۋداندىق پوليتسيا باسقارماسىنان سول يزولياتورعا الىپ بارعاندا ءبىرىنشى بولىپ ۇرعاندا وسى ەلەۋبەكوۆ،جانە داۋرەن جاتقان كامەراعا كەلىپ ونىڭ كامەرالاستارىنا:”سەندەر مىنا دوستياروۆ ءۇشىن تاياق جەپ وتىرسىڭدار،وسى پروۆوكاتور،بۇل سەندەر سياقتى تاياق جەگەن جوق،اياماڭدار بۇنى”-دەپ ايداپ سالعان دا وسى ەلەۋبەكوۆ دەگەن سۇمىراي!
ال ەندى تەرگەۋدىڭ قانشالىقتى ءادىل وتەتىنىن كورەمىز،بۇلار “سۇتتەن اق،سۋدان تازامىز”-دەپ جۋرناليستەردەن اراشا سۇراپتى،ال قانشاما ازاپتالعانداردىڭ مۇڭ-زارىن كورسەتپەيتىن “كتك” تەلەارناسى پوليتسەيلەردىڭ ۇنىنە قۇلاق اسىپ،ارنايى سيۋجەت جاساعان”،- دەپ جازدى facebook پاراقشاسىندا.
”ادىرنا” ۇلتتىق پورتالى
