ەلىمىزدە ەسكى نەسيەلەر كەشىرىلۋى مۇمكىن، دەپ حابارلايدى “ادىرنا” ۇلتتىق پورتالى.
قارجى مينيسترلىگى بۇل اقپاراتتى تولىعىنان ءتۇسىندىرىپ بەردى.
“حابار 24” ارناسىنىڭ مالىمەتىنشە، قازاقستاننىڭ بيۋدجەت كودەكسىنە «ءۇمىتسىز بەرەشەك» تۇسىنىگىن ەنگىزىپ، ول بويىنشا كرەديتوردىڭ تالاپتارىن توقتاتۋ ۇسىنىلدى. بىراق «بۇل 90-شى جىلدارداعى وتەلمەگەن قارىزدارمەن بايلانىستى. ەلدىڭ نەسيە پورتفەلىن مەرزىمى وتكەن بەرەشەكتەن تازارتۋ ءۇشىن جاسالىپ وتىر.
جوبادا بورىشكەرلەردىڭ قۇقىقتىق جاعدايى تۋرالى ەشقانداي اقپارات جوق. ادىلەت مينيسترلىگىنىڭ دەرەكتەر بازاسىندا دا ولار تۋرالى اقپاراتتىڭ جوق ەكەنى اتاپ كورسەتىلگەن.
«وسىعان بايلانىستى، قولدانىستاعى بيۋدجەت زاڭناماسى اياسىندا بار بەرەشەكتەردى ءوندىرىپ الۋ، سونداي-اق ولاردى ەسەپتەن شىعارۋ بويىنشا ودان ءارى جۇمىس جۇرگىزۋ مۇمكىن ەمەس»، – دەلىنگەن حابارلامادا.
قارجى مينيسترلىگىنىڭ اقپاراتىنا سەنسەك، اڭگىمە حالىققا بەرىلگەن نەسيەلەر تۋرالى ەمەس. 90-جىلدارى تىكەلەي بيزنەسكە بەرىلگەن بيۋدجەتتىك كرەديتتەر تۋرالى بولىپ وتىر.
«مەملەكەتتەن الىنعان قانداي سومانى ەسەپتەن شىعاراتىنى ازىرگە بەلگىسىز. ءبىر اناعى، قارىز الۋشىلار مەن راستايتىن قۇجاتتاردى ىزدەۋ جالعاسىپ جاتىر. بىراق جىل باسىندا قارىز شامامەن 120 ميلليارد تەڭگە بولعان. ال ۇكىمەتتىڭ تالاپتارىن توقتاتۋ زاڭمەن بەلگىلەنبەگەن» - دەدى ۆەدومستۆونىڭ ءباسپاسوز قىزمەتى.
“ادىرنا” ۇلتتىق پورتالى
