Elımızde eskı nesieler keşırıluı mümkın, dep habarlaidy “Adyrna” ūlttyq portaly.
Qarjy ministrlıgı būl aqparatty tolyǧynan tüsındırıp berdı.
“Habar 24” arnasynyŋ mälımetınşe, Qazaqstannyŋ Biudjet kodeksıne «Ümıtsız bereşek» tüsınıgın engızıp, ol boiynşa kreditordyŋ talaptaryn toqtatu ūsynyldy. Bıraq «būl 90-şy jyldardaǧy ötelmegen qaryzdarmen bailanysty. Eldıŋ nesie portfelın merzımı ötken bereşekten tazartu üşın jasalyp otyr.
Jobada boryşkerlerdıŋ qūqyqtyq jaǧdaiy turaly eşqandai aqparat joq. Ädılet ministrlıgınıŋ derekter bazasynda da olar turaly aqparattyŋ joq ekenı atap körsetılgen.
«Osyǧan bailanysty, qoldanystaǧy biudjet zaŋnamasy aiasynda bar bereşekterdı öndırıp alu, sondai-aq olardy esepten şyǧaru boiynşa odan ärı jūmys jürgızu mümkın emes», – delıngen habarlamada.Qarjy ministrlıgınıŋ aqparatyna sensek, äŋgıme halyqqa berılgen nesieler turaly emes. 90-jyldary tıkelei bizneske berılgen biudjettık kreditter turaly bolyp otyr.
«Memleketten alynǧan qandai somany esepten şyǧaratyny äzırge belgısız. Bır anaǧy, qaryz aluşylar men rastaityn qūjattardy ızdeu jalǧasyp jatyr. Bıraq jyl basynda qaryz şamamen 120 milliard teŋge bolǧan. Al Ükımettıŋ talaptaryn toqtatu zaŋmen belgılenbegen» - dedı vedomstvonyŋ baspasöz qyzmetı.
“Adyrna” ūlttyq portaly
