گرانت ۇتىپ، ااك الۋشىلار قاتارىنان شىقتىم — بقو تۇرعىنى

2503
Adyrna.kz Telegram

مەملەكەتتىك گرانت ۇتىپ، شارۋالارىن دوڭگەلەتىپ، ادال ەڭبەك ەتىپ وتىرعان وتباسىلار سانى وسۋدە. سونىڭ ءبىرى باتىس قازاقستان وبلىسى بوكەي وردا اۋدانىنىڭ تۋماسى الماگۇل ساحارباەۆنا تۋرالى ايتقىمىز كەلەدى.

باكتىگۋلوۆا الماگۇل ساحاربەۆنا - بوكەي ورداسى اۋدانى، سايقىن اۋىلىنىڭ تۇرعىنى، از قامتىلعان وتباسى رەتىندە «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اياسىندا جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتقا قاتىسىپ، 583 400 تەڭگە كولەمىندە گرانت يەگەرى اتاندى.

«مەنىڭ اۋلام – مەنىڭ باعىم» جوباسى ارقىلى 6 ءتۇپ الما تەرەگى، 4 ءتۇپ ورىك تەرەگى جانە 68 ءتۇپ تاڭقۋراي (مالينا) وتىرعىزدى.

وعان قوسا تەرەك وتىرعىزۋعا ارنالعان قۇرال جابدىقتارىن ساتىپ الدى. قازىرگى ۋاقىتتا باكتىگۋلوۆا الماگۋل سايقىن اۋىلىندا شاعىن اسحانا قىزمەتىن كورسەتۋدە.

بيىلدان باستاپ، اتاۋلى الەۋمەتتىك كومەك الۋشى قاتارىنان شىقتى.

الماگۇل حانىمنىڭ وزىمەن تىلدەسىپ، اڭگىمە وربىتتىك.

2021 جىلى ءساۋىر ايىندا مەملەكەتتەن بيزنەس باستاۋعا گرانت ۇتىپ الدىم. نەگىزى مانشۇك مامەتوۆا اتىنداعى مەكتەپتە 5 جىل ەدەن جۋشى بوپ جۇمىس ىستەدىم. قىزىم دۇنيەگە كەلگەن سوڭ، دەكرەتتىك دەمالىستا بولدىم.

كەيىن وسى گرانت تۋرالى ەستىپ، ۇسىنىستار ءتۇستى.

280 مىڭعا تەرەك وتىرعىزىپ، قالعان اقشاسىنا مال ساتىپ الدىم. 67 ءتۇپ مالينا وتىرعىزدىم، 6 ءتۇپ الما مەن 4 ءتۇپ ورىك وتىرعىزدىم. كەيىن 7 باس قوي الدىم.

قازىر ءوزىم جالدامالى ءبىر ورىندى الىپ، شاعىنداۋ شايحانا اشىپ وتىرمىن. ول شايحانانى ءوزىم نەسيە الىپ دوڭگەلەتىپ وتىرمىن. قازىرگى كەزدە اسا ءبىر قاتتى پايدا بار دەپ ايتا المايمىن.

تەك ءبىر جىل عانا بولعان سوڭ، وسىرگەن تەرەگىمىزدەن جەمىس الا قويعان جوقپىز.

الماگۇل اپامىز ءوز بولاشاق جوسپارىمەن ءبولىسىپ، جاستارعا كەڭەسىمەن ءبولىستى.

ومىرلىك ماقسات، جوسپار دەگەن كوپ قوي. ءوسىرىپ، الپەشتەپ وتىرعان بالالارىم بار. كەلىندى بولدىم، ءوز كۇنىمىزدى ءوزىمىز كورىپ وتىرعان قاراپايىم جاندارمىز.

جولداسىم ەكەۋمىز ەكى جاقتان تىرمىسىپ، ارەكەت ەتۋدەمىز. اقشا ەش ۋاقىتتا جەتپەيدى.

سوندىقتان، قازىرگى جاستارعا ايتارىم، ەرىنبەي جۇمىس ىستەۋ كەرەك. ءبىزدىڭ زامانىمىزدا لەنين ايتقانداي: ۋچيتسيا، ۋچيتسيا ي تولكو ۋچيتسيا.

تەك ەڭبەك ەتۋ كەرەك. ەڭبەك ەتسەڭ ەرىنبەي، تويادى قارنىڭ تىلەنبەي دەگەن بار. قازىر اركىم ءوزىن ويلاماسا، ەشكىمگە مۇقتاج بولماۋ كەرەك.

”ادىرنا” ۇلتتىق پورتالى

پىكىرلەر