2022 جىلدان باستاپ «قازاقستان حالقىنا» قوعامدىق قورى تۇرعىندارعا قوماقتى قايىرىمدىلىق كومەك كورسەتىپ كەلەدى.
وسى ۋاقىت ىشىندە جالپى سوماسى 11,3 ملرد تەڭگەگە 24 الەۋمەتتىك ماڭىزى بار جوبا جۇزەگە اسىرىلدى. بۇل جوبالار دەنساۋلىق ساقتاۋ, ءبىلىم بەرۋ، مادەنيەت پەن الەۋمەتتىك قولداۋدى قامتىپ, تۇرعىنداردىڭ ءومىر ساپاسىن ارتتىرۋعا باعىتتالعان.
اتالعان قور پرەزيدەنت قاسىم-جومارت توقاەۆتىڭ باستاماسىمەن قۇرىلىپ، 2022–2025 جىلدارعا ارنالعان جوسپار اياسىندا باتىس قازاقستان وبلىسىنىڭ حالقىنا كەشەندى قولداۋ كورسەتۋدە. وسى جوبا اياسىندا وڭىردە 24 قايىرىمدىلىق باعدارلاما ىسكە اسىپ جاتىر. جوبالاردىڭ ورىندالۋىن باقىلاۋ ماقساتىندا ەلوردادان ارنايى كەلگەنقور وكىلدەرى داريان اۋىلىنداعى جاڭارتىلعان كىتاپحانانىڭ جۇمىسىمەن تانىستى.
اۋىلدىق كىتاپحانا – قور ەسەبىنەن جوندەلىپ، زاماناۋي مادەنيەت وشاعىنا اينالعان نىسانداردىڭ ءبىرى. جالپى, وبلىس كولەمىندە 25 اۋىلدىق كىتاپحانا جاڭعىرتىلدى. بۇل باستاما اۋىل تۇرعىندارىنىڭ كوڭىلىنەن شىعىپ, ەڭبەكتەگەن بالادان ەڭكەيگەن قارياعا دەيىن قولايلى ورتا قالىپتاستىردى. كىتاپحانالاردا بالالار مەن جاستارعا ارنالعان ءتۇرلى ۇيىرمەلەر اشىلىپ, كەلۋشىلەر سانى ارتا ءتۇستى.
«قازاقستان حالقىنا» قورىنىڭ اعا مەنەدجەرى دينارا نۇرقاسىموۆانىڭ ايتۋىنشا، قور قاراجاتى ءتيىمدى ءارى قاجەتتى سالالارعا باعىتتالۋدا.
– اۋىلدىق كىتاپحانالاردى جاڭعىرتۋ – اۋىل تۇرعىندارىنىڭ بىلىمگە, مادەنيەتكە قولجەتىمدىلىگىن ارتتىرادى. قازىر كىتاپحانالار جاستاردىڭ سۇيىكتى ورنىنا اينالىپ كەلەدى. ءتۇرلى ۇيىرمەلەر جۇمىس ىستەپ, وقۋشىلار بەلسەندى قاتىسۋدا, – دەدى ول.
داريان اۋىلىنداعى كىتاپحانادا بۇگىندە پيانينو، توقىما، كەستە تىگۋ سياقتى ۇيىرمەلەر بەلسەندى جۇمىس ىستەيدى. مەكتەپ وقۋشىسى سابينا ەستوۆا اپتاسىنا ەكى رەت كەلىپ، مۋزىكا ساباعىنا قاتىسىپ جۇرگەنىن ايتتى.
– بءىزبەيسەنبى جانە جەكسەنبى كۇندەرى ۇيىرمەلەرگە كەلەمىز. وتە قىزىقتى. مەن كوپشىك تىگىپ, ءتۇرلى بۇيىمدار جاساۋدى ۇيرەندىم, – دەيدى سابينا.
اتالعان كىتاپحانا وتكەن جىلدىڭ جەلتوقسان ايىندا پايدالانۋعا بەرىلدى. وسىنداي جاڭارتىلعان كىتاپحانالار پەرەمەتنىي، ۇلكەن شاعان, رۋبەجكا جانە شاپوۆ اۋىلدارىندا دا ىسكە قوسىلىپ, حالىق يگىلىگىنە تاپسىرىلدى.
مادەنيەت سالاسىنداعى جۇمىستارمەن قاتار، قور الەۋمەتتىك قولداۋ باعىتىن دا نازاردان تىس قالدىرمادى. داريان اۋىلىنان كەيىن قور وكىلدەرى سىرىم اۋدانىنا بارىپ, سۋ تاسقىنىنان زارداپ شەككەن تۇرعىندارعا ارنالعان جاڭا ۇيلەردىڭ قۇرىلىس بارىسىمەن تانىستى. قور قارجىسى ەسەبىنەن بارلىعى 114 جاڭا ءۇي سالىندى. بۇل ۇيلەر جىمپيتى, ولەڭتى, بۇلدىرتى جانە كوزدىقارا اۋىلدارىندا بوي كوتەرىپ, يەلەرىنە تابىستالدى. قونىس يەلەرى جاڭا باسپانالارعا كوشىپ, جايلى ءومىر ءسۇرۋ مۇمكىندىگىنە يە بولدى.
– جاڭعىرتىلعان كىتاپحانالار بۇگىنگى كۇن تالابىنا سايكەلەتىن, تەك كىتاپ وقۋعا ارنالعان ەمەس, جان-جاقتى مادەنيشارالار وتكىزىلەتىن ورتالىققا اينالدى. قوردىڭ قولداۋىناالعىسىمىز شەكسىز - دەيدى اۋداندىق ورتالىقتاندىرىلعان كىتاپحانالار جۇيەسىنىڭ ديرەكتورى جەڭىسگۇل تاناباەۆا.
ال اۋىل تۇرعىنى ناۋران ساربالاقوۆ,
جاڭادان جوندەلگەن كىتاپحانا تۇرعىندارعا ۇنايتىنىن ايتىپ، بالالارىنىڭ دا ءجيى كەلەتىنىن اتاپ ءوتتى.
