11 جاسار بالانىڭ تۋىسقان اپكەسى بالانىڭ تىك ىشەك ايماعىنا قاتىستى شاعىم بىلدىرگەنىن ايتىپ دارىگەرگە جۇگىنگەن. الماتىلىق دارىگەر 11 جاسار بالانىڭ ءجابىر كورگەنىن ايتتى، دەپ حابارلايدى "ادىرنا" سايتى. بۇل تۋرالى #NeMolchiKZ قوعامدىق قورىنىڭ جەتەكشىسى دينا سمايلوۆا Facebook-تەگى پاراقشاسىندا جازدى.
بالا قابىلداۋعا تۋىسىمەن كەلدى، تىك ىشەك ايماعىنداعى اۋىرسىنۋعا شاعىمدارى بار ەكەندىگىن ايتتى.
دارىگەر قاراپ، ونىڭ بىرنەشە رەت زورلانعانىن ءتۇسىندى. بالاعا وپەراتسيا قاجەت. بۇل ءىستىڭ ەگجەي-تەگجەيلەرى ءالى اشىلمايدى، بىراق مۇنى ىستەگەندەر ءسوزسىز ماقۇلىق ادامدار، دەپ جازادى سمايلوۆا.
اۆتور بالاعا زورلىق-زومبىلىق كورسەتۋ فاكتىسىن ايتۋدان قورىقپاعان دارىگەرگە دە ريزاشىلىعىن ءبىلدىردى. ونىڭ ايتۋىنشا، بارلىق دارىگەرلەر سوتتالۋشىلار مەن ولاردىڭ ادۆوكاتتارىن قۋدالاۋدان قورقىپ، مۇنداي ارەكەتكە باتىلى بارمايدى، ويتكەنى ولاردىڭ سوتتا قورعالۋىنا كەپىلدىك بەرىلمەيدى.
«مەنىڭ ويىمشا، مۇنداي دارىگەرلەردى مەملەكەتتىك ناگرادالارعا ۇسىنۋ جانە ولار تۋرالى بارلىق جەردە جازۋ كەرەك!». – دەدى قور باسشىسى.
ول دەرەۋ باس دارىگەرگە ارىز جازىپ، قىلمىس تۋرالى حابارلادى. سوسىن بىزگە، #NeMolchiKZ قورىنا حات جازىپ، شارا قولدانۋدى ءوتىندى! مەن بارلىق اقپاراتتى بىردەن الماتى قالاسى پد باسشىسىنا جىبەردىم، – دەدى دينا سمايلوۆا.
ونىڭ ايتۋىنشا، پوليتسەيلەر بالالارعا زورلىق-زومبىلىق جاساۋ فاكتىسى بويىنشا تەرگەۋ باستادى.
"ادىرنا" ۇلتتىق پورتالى
