“دەپۋتاتتاردىڭ جۇمىسىن حالىق باقىلاي الادى”. ساياساتتانۋشى دەپۋتاتتارعا چيپ ورناتۋدى ۇسىندى

قازاقستاندىق ساياساتتانۋشى جانە بەلسەندى دانيار اشىمباەۆ حالىق قالاۋلىلارىنىڭ جۇمىسىن باقىلاۋ ءۇشىن ولارعا چيپتەردى ەنگىزۋدى ۇسىندى، دەپ حابارلايدى “ادىرنا” ءتىلشىسى Politic_kazakhstan-عا سىلتەمە جاساپ. دانيار اشىمباەۆ بۇل ۇسىنىسىمەن ءوزىنىڭ Telegram جەلىسىندەگى پاراقشاسىندا بولىسكەن. «ءماسليحات ينستيتۋتىن جاڭعىرتۋ اياسىندا دەپۋتاتتارعا ارنايى چيپتەر ەنگىزۋدى ۇسىنامىن، ونىڭ كومەگىمەن سايلاۋشىلار دەپۋتاتتاردىڭ ءوز وكرۋگتەرىندە بولۋىن باقىلاپ، جۇمىسىن قاداعالايدى»، - دەپ جازعان ول. چيپ ەنگىزۋ بويىنشا وسىدان بىرنەشە كۇن بۇرىن الەۋمەتتىك جەلىدە پاۆلودار قالالىق ءماسليحاتىنىڭ دەپۋتاتى گۇلجاينا ءدارىموۆانىڭ ەرەكشە ۇسىنىسى جاريالانعان بولاتىن. دەپۋتات كەيبىر وتباسىنان شىققان «قيىن» بالالارعا چيپ سالۋدى ايتقان ەدى. «قيىن بالالارعا چيپ سالۋ كەرەك دەدىم. بالالاردى ۇراتىندار قوعام ءۇشىن قاۋىپتى. الايدا ادەتتەگىدەي، ءبارى بۇرىلىپ، مەنى مازاق ەتەدى. جاقسى حايپ. مەنىڭ پاراقشامدا وقىرمان سانىن كوبەيتىڭىزدەر»، — دەپ جازدى گۇلجاينا داريموۆا.