حالىقارالىق ۇيىمدار قارجىلاندىراتىن قوعامدىق بىرلەستىكتەر قازاقستاندا وتەتىن سايلاۋعا تاۋەلسىز بايقاۋشى رەتىندە قاتىسا المايدى.
ادىلەت مينيسترلىگى زاڭعا وسىنداي وزگەرىس ەنگىزبەك.
ۆەدومستۆو وكىلدەرىنىڭ حابارلاۋىنشا، مۇنداي شەشىم شەتەلدىكتەردىڭ ەلىمىزدەگى داۋىس بەرۋ پروتسەسىنە ىقپال ەتپەۋى ءۇشىن قابىلداندى. ەگەر بۇل وزگەرىس قولداۋ تاپسا، اككرەديتتەۋدەن سايلاۋمەن بۇرىننان اينالىسىپ كەلەتىن ۇكىمەتتىك ەمەس ۇيىمدار عانا وتەدى.
ايتا كەتەرلىگى، قازىر بۇل زاڭ جوباسى اشىق ءنورماتيۆتى-قۇقىقتىق اكتىلەر پورتالىندا قىزۋ تالقىلانىپ جاتىر.وعان 200-دەن استام ۇسىنىس ءتۇستى. باۋىرجان تۇرعانباەۆ، قر ادىلەت مينيسترلىگى زاڭناما دەپارتامەنتى ديرەكتورىنىڭ م.ا.:
- سايلاۋ پروتسەسىنە تەك كاسىبي بايقاۋشىلار عانا قاتىسۋى كەرەك. ولار ءتيىستى زاڭنامانى جەتىك مەڭگەرۋى ءتيىس. ويتكەنى ولار بۇكىل ناۋقاننىڭ ەرەجەگە ساي وتكىزىلۋىن قامتاماسىز ەتۋگە مىندەتتى. شەتەلدىكتەر تاراپىنان بۇل پروتسەستى قارجىلاندىرۋعا نەمەسە وعان كەدەرگى جاساۋعا زاڭمەن تىيىم سالىنعان. ساياسي پارتيالاردىڭ قۇرامىندا دا شەتەلدىكتەر نەمەسە ازاماتتىعى جوقتار كىرگىزىلمەيدى.
"ادىرنا" ۇلتتىق پورتالى
