قازاقستاندىق سپورتشى المات دجۋمانوۆ قازاقستاندى "بوراتتىڭ وتانى" دەپ اتاعان يراندىق سادجاد گاريبيگە قارسى شىقپاق، دەپ جازادى "ادىرنا" پورتالى. بۇل تۋرالى دجۋمانوۆتىڭ مەنەدجەرى قانات رايىمبەك مالىمدەدى.
جەكپە-جەككە ەل اتىنان بىرنەشە رەكوردتار ءتىزىمىن جاڭارتقان بوديبيلدەر، Qazaq Titan اتىمەن تانىمال المات دجۋمانوۆ شىقپاق. شارا شىلدەنىڭ 31-جۇلدىزىندا، دۋباي قالاسىندا وتەدى.
ەسكە سالا كەتەيىك، 2020 جىلى يراندىق سادجاد گاريبي المات دجۋمانوۆتى "قازاقستان بوراتتىڭ وتانى مەن بۇل جەردە ناعىز حالكپىن" دەپ جەكپە جەككە شاقىرعان بولاتىن، المات دجۋمانوۆ تا سادجادتىڭ سۋرەتىن ورتەپ ءبىراز داۋ-داماي تۋدىرىپ، جەكپە جەگىن قابىل العان بولاتىن. الايدا الەمدىك كارانتين جاريالانىپ جەكپە-جەك كەيىنگە شەگەرىلدى. الداعى ۋاقىتتا المات دجۋمانوۆ ەل نامىسىن قورعاپ الەمدىك رينگككە شىقپاق. جەكپە جەك بوكس سپورتى بويىنشا وتەتىن بولىپ شەشىلدى.
